Nemendur Árskóla söfnuðu birkifræjum til uppgræðslu og skora á aðra bekki að gera slíkt hið sama
Eftir umræður um gróðurhúsaáhrifin vildu nemendur 5. bekkjar Árskóla á Sauðárkróki reyna að gera eitthvað sem gæti haft áhrif til góðs fyrir jörðina. Eftir umræður var ákveðið að fara í að safna og var hafist handa við að safna fyrir rúmum hálfum mánuði.
Jóna Marín Sævarsdóttir, Þórður Bragi
Sigurðsson og Ragna Valdimarsdóttir
afhentu fræin fyrir hönd bekkjarins.
Ingunn Sandra Arnþórsdóttir og
Eva Kuttner frá Landgræðslunni.
Að sögn þeirra Helgu Kristínar og Söru Eikar, umsjónarkennara 5. bekkjar, voru nemendur mjög áhugasamir og duglegir í söfnuninni og á dögunum afhentu þeir Landgræðslunni afraksturinn. Þá komu þær Ingunn Sandra Arnþórsdóttir og Eva Kuttner og tóku við fræjunum. „Við fórum einnig með þeim upp í Litla-skóg þar sem þær fræddu nemendur um birki og hvernig því væri sáð. Þær sýndu þeim einnig smásjármyndir af birkifræjum. Þar sem þetta verkefni okkar heppnaðist mjög vel viljum við skora á aðra bekki í öllum skólunum í Skagafirði að leggja sitt á vogarskálarnar og aðstoða Landgræðsluna við birkifræsöfnun.“
5. SH Árskóla með fræin sem búið var að þurrka
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.