Nokkrir Skagfirðingar tengjast Stellu Blómkvist
Ný íslensk þáttaröð um Stellu Blómkvist hóf göngu sína sl. föstudag í Sjónvarpi Símans og er óhætt að segja að hún hafi fengið góð viðbrögð áhorfenda. Feykir hefur náð að tengja nokkra Skagfirðinga við þættina, misjafnlega mikið, en aðalleikarinn á rætur í Skagafjörðinn.
Þættirnir um Stellu eru byggðir á bókunum um Stellu Blómkvist sem margir þekkja, en engin veit hver skrifar. Stella er leikin af Heiðu Rún Sigurðardóttur, Heiðu Reed, sem margir þekkja úr þáttunum Poldark. Heiða á ættir sínar að rekja í Skagafjörðinn en pabbi hennar, Sigurður Marteinsson, bjó á Króknum sín uppvaxtarár. Hann er sonur Marteins Friðrikssonar, frá Hofsósi, sem starfaði lengi sem framkvæmdastjóri Fiskiðjunnar á Sauðárkróki.
Heiða fer á kostum í hlutverki Stellu og gaman að sjá hana í öðru hlutverki en Elizabeth í Poldark þáttunum Bresku.
Króksarinn og Úlf Úlfurinn, Helgi Sæmundur Guðmundsson, samdi tónlistina og er það frumraun hans á því sviði í kvikmyndum. „Þetta var mitt fyrsta verkefni af þessu tagi og ég er mjög ánægður með útkomuna og vill ólmur gera miklu meira af þessu,“ segir Helgi á Facebooksíðu sinni. Feykir er ekki í neinum vafa um að Helgi á eftir að halda áfram að gera góða hluti í þessum bransa.
Í fyrsta þætti þar sem framið er morð í Stjórnarráðinu koma lögreglumenn við sögu að yfirheyra sakborning. Þar bregður fyrir lögreglumanninum og margreyndum leikara úr Leikfélagi Sauðárkróks, Kristjáni Erni Kristjánssyni. Lítið hlutverk en bæði leikur og texti fyrir framan myndavél.
Kannski eru þeir fleiri Skagfirðingarnir sem tengjast þáttaröðinni og gaman væri að fá ábendingar um það.
Vel gert Skagfirðingar!
Fleiri fréttir
-
Hagnaður KS var 3,3 milljarðar á síðasta ári
feykir.is Skagafjörður, Lokað efni 02.05.2025 kl. 15.28Aðalfundur Kaupfélags Skagfirðinga fyrir rekstrarárið 2024 var haldinn í Menningarhúsinu Miðgarði í Varmahlíð þann 10. apríl 2025 og hófst kl. 12:00 með hádegisverði. Fram kom á fundinum að rekstartekjur síðasta árs voru um 55 milljarðar og höfðu hækkað um tvo milljarða frá fyrra ári. Rekstarhagnaður fyrir afskriftir og fjármagnsliði, svokölluð EBITDA, var 7,4 milljarðar sem er lækkun um tæpan milljarð frá fyrra ári, en það ár var besti rekstrarárangur í sögu félagsins.Meira -
Skemmtileg kvöldstund í Bifröst | Kíkt í leikhús
feykir.is Skagafjörður, Aðsendar greinar, Listir og menning 02.05.2025 kl. 15.14Undirritaðar brugðu undir sig betri fætinum og renndu á krókinn í vor blíðunni til að sjá uppfærslu Leikfélags Sauðárkróks á farsanum Flæktur í netinu eftir Ray Cooney í leikstjórn Valgeirs Skagfjörð. Fínasta útfærsla og skemmtileg kvöldstund.Meira -
Tengiráðgjafi ráðinn í Húnaþingi vestra
feykir.is Vestur-Húnavatnssýsla, Lokað efni 02.05.2025 kl. 12.00Húnaþing vestra tók þátt í spennandi tilraunaverkefni með ráðningu tengiráðgjafa og er það Elísabet Eir Steinbjörnsdóttir sem er starfandi tengiráðgjafi Húnaþings vestra og vinnur hún einnig að verkefninu Gott að eldast í samstarfi við Heilbrigðisstofnun Vesturlands.Meira -
Fjáröflun - bílaþvottur
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2025 kl. 11.40Er þetta ekki eitt af því leiðinlegasta sem að maður gerir sjálfur, að tjöruhreinsa og þrífa bílinn að utan... er þá ekki tilvalið að nýta sér þessa flottu fjáröflun sem Barna og unglingaráðið í knattspyrnudeildinni ætlar að bjóða upp á föstudaginn 8. maí. Pantanir fara fram í gegnum þannan lin hér eða með tölvupósti á e-mailið fotbolti.unglingarad@tindastoll.isMeira -
Uppbygging við Staðarbjargavík fékk ríflega 60 milljón króna styrk
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 02.05.2025 kl. 09.15Hanna Katrín Friðriksson atvinnuvegaráðherra úthlutaði í vikunni úr Framkvæmdasjóði ferðamannastaða fyrir árið 2025. Að þessu sinni hljóta 28 verkefni styrk úr sjóðnum. Heildarúthlutun er 553,2 milljónir króna og dreifast verkefnin um land allt. Næsthæsti styrkurinn, rúmar 60 milljónir króna, fer til uppbyggingar við Staðarbjargavík fyrir neðan sundlaugina góðu á Hofsósi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.