Norðanáhlaup á miðvikudag
Veðurstofa Íslands hefur gefið út gula viðvörun fyrir landið allt enda búist við norðan hvassviðri eða stormi með rigningu eða snjókomu norðan- og austanlands á miðvikudag. Snemma á miðvikudag gengur í norðan 15-23 m/s, hvassast austast á landinu.
Á vedur.is segir að með norðanáttinni fylgi úrkoma norðan- og austanlands, frá Vestfjörðum og austur á Austfirði. Úrkoman verður á formi rigningar á láglendi, en slydda eða snjókoma ofan 200-300 metra yfir sjávarmáli. Seinnipart dags kólnar smám saman og mörk rigningar og snjókomu færast neðar.
Vetraraðstæður geta skapast á vegum, sérílagi á fjallvegum. Um sunnanvert landið er spáð lítilli eða engri úrkomu, en þar geta snarpir vindstrengir við fjöll verið varasamir fyrir ökutæki sem eru viðkvæm fyrir vindi og lausamunir geta fokið, einkum á Suðausturlandi.
Þessu norðan áhlaupi veldur djúp lægð austur af landi en enn er óvissa í spám varðandi braut lægðarinnar og dýpt hennar og þar með hversu hvasst verður og hve neðarlega mörk rigningar og snjókomu verða.
Engu að síður er norðan óveður af einhverju tagi líklegt. Viðvaranir verða uppfærðar á vef Veðurstofunnar eftir því sem nýir spáreikningar berast og viðvaranir verða nákvæmari og svæðaskiptar þegar dregur nær veðrinu.
Fleiri fréttir
-
Fermist í upphlut
feykir.is Skagafjörður, Lokað efni 27.04.2025 kl. 10.00Bergrún Lauga Þórarinsdóttir fermist í Reykjakirkju þann 14. júní. Sr. Halla Rut Stefánsdóttir fermir stúlkuna en foreldrar hennar eru Sigrún Helga Indriðadóttir og Þórarinn Guðni Sverrisson á Stórhóli í Lýtingstaðahreppi.Meira -
Sæluvikan sett í Safnahúsi Skagfirðinga í dag
feykir.is Skagafjörður, Listir og menning, Mannlíf, Lokað efni 27.04.2025 kl. 02.21Sæluvika, lista- og menningarhátíð í Skagafirði, verður dagana 27. apríl - 3. maí. Setningin verður í Safnahúsinu í dag, sunnudaginn 27. apríl, og hefst kl. 13:00. Þar verða m.a. veitt Samfélagsverðlaun Skagafjarðar og úrslit í Vísnakeppninni verða kunngerð.Meira -
Tindastóll og Stjarnan mætast í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 00.37Besta deild kvenna er kominn á fullt og Stólastúlkur þegar búnar að leika tvo leiki; unnu þann fyrsta en voru síðan skrambi óheppanar að tapa fyrir sameinuðum Akureyringum í Þór/KA. Fjörið heldur áfram í dag en þá kemur lið Stjörnunnar í heimsókn á Krókinn og hefst leikurinn kl. 17:00.Meira -
Áltanes jafnaði metin
feykir.is Skagafjörður, Íþróttir, Lokað efni 26.04.2025 kl. 23.50Körfuboltinn á hug ansi margra þessa dagana og nú á föstudagskvöldið spiluðu lið Tindastóls og Álftaness annan leik sinn í undanúrslitaeinvígi Bónua deildar karla. Tindastóll vann fyrsta leikinn örugglega en það varð naglbítur þegar liðin mættust öðru sinni og þá í Kaldalónshöll þeirra Álftnesinga sem höfðu á endanum betur, 94-92, og jöfnuðu því einvígið.Meira -
Íslensk kjötsúpa í boði
feykir.is Austur-Húnavatnssýsla, Lokað efni 26.04.2025 kl. 09.00Guðjón Þór Hjálmarsson býr á Blönduósi, nánar tiltekið á Hlíðarbrautinni, verður fermdur þann 26. apríl í Blönduóskirkju af sr. Eddu Hlíf Hlífarsdóttur. Foreldrar Guðjóns eru þau Hjálmar Björn Guðmundsson og Ingibjörg Signý Aadnegard.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.