Norðurland vestra fékk 772 milljónir til sóknaráætlana á fimm ára tímabili
Nýverið kom út greinargerð um sóknaráætlanir landshluta fyrir árin 2020 - 2024. Í þessari greinargerð Byggðastofnunar og stýrihóps Stjórnarráðsins um byggðamál er gerð grein fyrir ráðstöfun fjárframlaga til sóknaráætlunarsamninga og framkvæmd þeirra á samningstímabilinu 2020-2024.
Innviðaráðuneytið, Byggðastofnun og stýrihópur Stjórnarráðsins um byggðamál fylgjast vel með framkvæmd sóknaráætlanasamninga og birtir Byggðastofnun árlega greinargerð þar sem gert er grein fyrir framvindu og ráðstöfun fjármuna fyrir liðið ár. Í lok hvers fimm ára samningstímabils er unnin greinargerð þar sem farið er yfir fimm ára tímabil sóknaráætlanasamninga.
Í greinargerðinni kemur m.a. fram að á samningstímanum var 5,96 milljörðum króna varið til sóknaráætlana. Þar af komu um 5 milljarðar frá ríkinu. Fjármunum er fyrst og fremst varið til áhersluverkefna og uppbyggingarsjóða landshlutanna.
Heildarframlög til verkefna á Norðurlandi vestra, bæði í gegnum áhersluverkefni og uppbyggingarsjóð landshlutans, námu samtals 772,6 milljónum króna. Mest af því fjármagni fór til Uppbyggingarsjóðs Norðurlands vestra, eða 315,7 milljónir króna, og 189,1 milljón runnu til áhersluverkefna, sem voru 28 talsins á tímabilinu. Þá fóru 62,3 milljónir í stofn- og rekstrarstyrki og 130,9 milljónir í svokallaða viðauka.
Sóknaráætlanir landshluta eru stefnumótandi áætlanir sem taka til starfssvæða landshlutasamtaka sveitarfélaga og eru sameiginlegt verkefni ráðuneyta og sveitarfélaga. Í þeim sameinast heimamenn um framtíðarsýn, markmið, forgangsröðun verkefna og leiðir til að áætlunin nái fram að ganga. Markmið sóknaráætlana er að ráðstafa fjármunum sem varið er til verkefna í einstökum landshlutum á sviði samfélags- og byggðamála, samkvæmt svæðisbundnum áherslum. Markmið með samningum er að stuðla að jákvæðri samfélags- og byggðaþróun, treysta stoðir menningar og auka samkeppnishæfni hvers landshluta og þar með landsins alls. Markmiðið er einnig að einfalda samskipti ríkis og sveitarfélaga og tryggja gagnsæi við úthlutun og umsýslu þeirra opinberu fjármuna sem til þeirra er varið. Landshlutasamtök sveitarfélaga vinna sóknaráætlun á sínu starfssvæði og bera ábyrgð á framkvæmd hennar.
Greinargerðina er að finna hér
Heimildir: SSNV.is og Húni.is
Fleiri fréttir
-
Njarðvíkingar kaffærðir í Síkinu
feykir.is Skagafjörður, Íþróttir, Lokað efni 24.01.2026 kl. 14.38Feykir hafði spáð hörkuleik í Síkinu í gærkvöldi þegar Njarðvíkingar sóttu Stólana heim í Bónus deild karla. Það má kannski öllu nafn gefa og kannski var þetta hörkuleikur en ekki var hann spennandi. Heimamenn tóku öll völd í fyrsta leikhluta og gestirnir fengu ekki rönd við reist þegar eimreið Stólanna brunaði ítrekað yfir þá. Mestur varð munurinn 35 stig í þriðja leikhluta en gestirnir löguðu stöðuna í fjórða leikhluta. Lokatölur 113-92.Meira -
Mikill hugur í nýrri stjórn knattspyrnudeildar Tindastóls
feykir.is Skagafjörður, Íþróttir 24.01.2026 kl. 13.11Aðalfundur knattspyrnudeildar Tindastóls fór fram síðastaliðinn fimmtudag. Á fundinum var kosin ný stjórn þar sem Jóhann Daði Gíslason heldur áfram sem formaður og Hjörtur Elefsen heldur áfram í stjórn. Elínborg Margrét Sigfúsdóttir var kjörin gjaldkeri deildarinnar og Heba Guðmundsdóttir verðir ritari.Meira -
Feykir mælir með | Tvær gerðir af hollu og góðu salati
feykir.is Skagafjörður, Í matinn er þetta helst, Lokað efni 24.01.2026 kl. 11.49Þar sem meistarinn Alber Eiríksson gaf út matreiðslubók í byrjun ágúst 2025 þá var matgæðingaþáttur í tbl. 31 - 2025 tileinkaður honum en bókin heitir því einfalda nafni Albert eldar – einfaldir og hollir réttir. Þar segir hann frá því að undanfarin sumur hafi hann verið við eldamennsku á heilsuviku á Austurlandi og hafa sumir réttirnir sem eru í bókinni þróast þar, bæði í samtali við gesti og fólkið sem stjórnar þessum viðburði hverju sinni. Áherslan er alltaf góður, einfaldur og heilnæmur matur sem inniheldur öll þau helstu næringar- og steinefni sem við þurfum.Meira -
Njarðvíkingar mæta í Síkið í kvöld
feykir.is Skagafjörður, Íþróttir, Lokað efni 23.01.2026 kl. 15.04Stólarnir spretta úr spori á ný í Bónus deild karla í kvöld þegar þeir fá lið Njarðvíkur í heimsókn í Síkið. Tindastóll er í öðru sæti deildarinnar með 20 stig að loknum þrettán leikjum en lið Stjörnunnar og Vals eru einnig með 20 stig en hafa leikið einum leik meira en Stólarnir. Grindvíkingar eru sem fyrr á toppnum, hafa aðeins tapað einum leik í deildinni í vetur. Leikurinn hefst kl. 19:00 og varningur og hamborgarar að sjálfsögðu í boði.Meira
