„Notalegt að tilheyra þessu samfélagi“
Ástralski rithöfundurinn Hannah Kent, sem margir Íslendingar þekkja sem höfund metsölubókarinnar Náðarstund (Burial Rites) heimsótti Sauðárkrók um jólin, ásamt foreldrum sínum og systur. Þar er hún aldeilis ekki ókunnug því árið 2003 dvaldi hún þar sem skiptinemi á vegum Rótarý samtakanna og hefur síðan haldið tengslum við eina af fjölskyldunum sem hún dvaldi hjá og komið nokkrar ferðir til Íslands.
Í skiptinemadvölinni heyrði hún söguna af Agnesi og Friðrik sem varð kveikjan að metsölubókinni Náðarstund og ævintýrunum sem hafa fylgt Hönnuh síðan. Aðspurð segir hún erfitt að velja eitthvað eitt sem stóð upp úr í Íslandsdvölinni. „Fyrst vil ég nefna fólkið. Ég var mjög heppin að vera send í lítinn kaupstað, þar sem ég fékk tækifæri til að kynnast öllu þessu fólki. Það hefði áreiðanlega verið öðruvísi ef ég hefði verið í Reykjavík eða jafnvel á Akureyri.
Ég sé mörg kunnugleg andlit þegar ég kem hingað og það var svo notalegt að fá að tilheyra þessu samfélagi. Sumir þekka mig ennþá sem Níels apa,“ segir Hannah meðal annars í opnuviðtali í nýjasta tölublaði Feykis sem kemur út í dag.
Fleiri fréttir
-
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira -
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira
