Ný borhola gefur mjög góð fyrirheit
Borverktakinn VKC lauk nýverið borun á holu LH-04 við Langhús í Fljótum. Hafði holan verið boruð niður í um 100 metra dýpi síðastliðið haust. Fyrir á svæðinu eru þrjár borholur, ein þeirra var boruð af landeiganda árið 1997 og hinar tvær af Skagafjarðarveitum, 2014 og 2015. Heildarrennsli úr þessum holum var um 5 til 6 lítrar á sekúndu af um 100°C heitu vatni. Nýlega hljóp svo á snærið.
Samkvæmt ráðleggingum frá sérfræðingum ÍSOR var ákveðið að bora nýja holu, LH-04, og var með henni leitast við að skera jarðhitasprungu á meira dýpi og ná úr henni meira vatni.
Að sögn Indriða Þórs Einarssonar, sviðsstjóra veitu- og framkvæmdasviðs Sveitafélags Skagafjarðar, var holan prófuð í stuttan tíma þegar borinn hafði komist niður á um 160 metra dýpi. Var þá rennsli úr henni áætlað um 12 l/s. Indriði segir að ákveðið hafi verið að halda borun áfram og þegar dýpið var komið í um 171 metra dýpi, sýndist mönnum rennslið úr holunni vera komið í a.m.k. 20 lítra á sekúndu af um 100°C heitu vatni og var þá ákveðið að hætta borun. Borstangirnar voru því næst dregnar upp úr holunni og loka komið fyrir á holutoppnum.
Mikill þrýstingur er í holunni en strókurinn úr henni stendur að minnsta kosti 20 metra upp í loftið þegar holan, sem er um 15cm í þvermál, er fullopin. Indriði segir því ljóst að þessi nýja hola LH-04 sé mjög vel heppnuð og segir ennfremur að hún hafi komið öllum á óvart.
Fyrstu rennslis- og þrýstimælingar sem fram fóru í gær, benda til þess að hámarksafköst holunnar geti verið allt að 35 l/s af rúmlega 100°C heitu vatni. Þessar niðurstöður þýða, að sögn Indriða, að nægjanlegt vatnsmagn er nú til staðar fyrir fullkláraða Fljótaveitu en í sumar er stefnt að því að klára lagningu hitaveitu í Vestur - Fljót, Flókadal og Haganesvík.
Með tilkomu nýju holunnar er vatnsmagnið orðið margfalt meira en þarf til upphitunar húsa á svæðinu. Aðspurður um það hvort vatnið nýtist til annarra nota, segir Indriði að tíminn verði að leiða það í ljós. Þá vill Indriði að það komi fram að þeir Þórólfur Hafstað og Kristján Sæmundsson, sérfræðingar hjá ÍSOR, hafi verið helstu ráðgjafar Skagafjarðarveitna við borun á svæðinu.
Fleiri fréttir
-
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira
