Ný Crossfit stöð opnar á Króknum
Vinkonurnar Sunna Björk Atladóttir og Erna Rut Kristjánsdóttir eru að opna Crossfit stöð á Sauðárkróki. Stöðin verður til húsa að Borgarflöt 5 en þær héldu fyrsta grunnnámskeiðið í íþróttasal barnaskólans við Freyjugötu um helgina. Á námskeiðinu fengu þær til liðs við sig þjálfarann Evert Víglundsson, sem einhverjir gætu kannast við úr Biggest loser þáttunum, en hann er yfirþjálfari og eigandi Crossfit Reykjavík. Blaðamaður Feykis spjallaði við þau að loknu námskeiði.
Erna flutti á Sauðárkrók fyrir tveimur og hálfu ári og starfar hjá Lögreglunni á Norðurlandi vestra. Hún hafði stundað Crossfit þegar hún bjó í Reykjavík en eftir að hún flutti á Krókinn segist hún ekki hafa fundið líkamsrækt sem höfðaði til hennar, hugur hennar sótti alltaf aftur í Crossfit.
„Þetta virkaði fyrir mig. Ég hef alltaf verið í íþróttum, körfubolta, frjálsum og sundi. Mér fannst ekki gaman í hefðbundinni líkamsrækt, að lyfta eða hlaupa á bretti. Svo prófaði ég Crossfit með frænku minni og fór á grunnnámskeið hjá Crossfit Reykjavík í framhaldi af því. Það sem heillaði mig fyrst var félagskapurinn, þar voru allir svo samheldnir og mér fannst ég vera velkomin. Félagsskapurinn skiptir svo miklu máli,“ segir hún.
Evert tekur undir og segir andrúmsloftið í Crossfit mjög gott - það snúist um hvetjandi hópefli. Að það sé alltaf verið að hvetja mann áfram og engum er mismunað eftir getu. Erna segir markmið sitt sé að hafa sama góða andrúmsloftið á Crossfit stöðinni á Króknum. „Maður þarf bara góðan félagsskap og skemmtilegar æfingar og ég vona að það verði svoleiðis hjá okkur - að hér verði Crossfit fjölskylda,“ segir hún og brosir.
„Það geta í raun allir komið í Crossfit. Það hljómar kannski eins og ég sé að reyna selja þetta en það er brýnt fyrir þátttakendum að ef þú getur ekki gert æfinguna þá finnum við eitthvað útúr því. Þá gerum við aðra útgáfu af æfingunni þangað til þú getur gert hana rétt. Við viljum hafa alla með og hjálpa öllum,“ bætir Erna við.
Meira um nýju Crossfit stöðina er að finna í Feyki sem kemur út í dag.
Fleiri fréttir
-
Fullt hús af tapleikjum í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.06.2025 kl. 19.46Það var mánudagur til mæðu hjá knattspyrnufólki á Norðurlandi vestra í dag. Öll meistaraflokksliðin á svæðinu létu til sín taka og öll máttu þau lúta í gras. Við höfum áður minnst á hrakfarir Stólastúlkna í Mjólkurbikarnum en síðan máttu Húnvetningar þola tap í Hafnarfirði og Stólarnir glopruðu sínum leik úr höndunum einum fleiri á Grenivík.Meira -
ÍBV henti Stólastúlkum úr bikarnum á sannfærandi hátt
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.06.2025 kl. 16.34Það var stórleikur á Sauðárkróksvelli í dag þegar Tindastóll fékk lið ÍBV í heimsókn í átta liða úrslitum í Mjólkurbikar kvenna. Því miður áttu heimastúlkur engan stórleik og máttu sætta sig við 1-3 tap gegn Lengjudeildar-liði Vestmannaeyinga. Það má segja að lukkudísirnar hafi verið með þeim í liði en Stólastúlkur áttu sennilega sinn slakasta leik á tímabilinu og það á degi þar sem liðið hefði getað tryggt sér sæti í undanúrslitum bikarsins í fyrsta skipti í sögunni.Meira -
Góður árangur hefur alltaf áhrif
feykir.is Vestur-Húnavatnssýsla, Mannlíf, Lokað efni 09.06.2025 kl. 12.43Feykir sagði í síðustu viku frá úrslitum í Skólahreysti en skólarnir tveir af Norðurlandi vestra sem komust í úrslitakeppni þeirra tólf skóla sem bestum árangri náðu í undanriðlum náðu prýðilegum árangri í úrslitunum. Þó ekki jafn góðum og Feykir sagði frá því fullorðna fólkið sem sá um að leggja saman stigin féll á prófinu – og ekki í fyrsta sinn. Varmahlíðarskóli, sem fagnaði vel og innilega þriðja sætinu, féll niður um sæti og sömuleiðis Grunnskóli Húnaþings vestra sem endaði í fimmta sæti. Engu að síður flottur árangur.Meira -
Húnabyggðarsólin víðfræg
feykir.is Austur-Húnavatnssýsla, Lokað efni 09.06.2025 kl. 12.37Þórarinn Bjarki Benediktsson býr á Breiðavaði í Austur-Húnavatnssýslu og er giftur Stefaníu Egilsdóttur. Hann segist sjálfur vera illa grunnskólagenginn, með tæplega 600 fjár, 18 geitur, 11 Border collie hunda, kött og eina gyltu. Bjarki starfar við rúning í félagi við Þorstein vin sinn á Auðólfsstöðumog tekur stundum að sér tamningu á Border collie hundum. Þegar Bjarki er spurður hvernig gangi í sveitinni segir hann það í raun ganga aldeilis ljómandi vel, skepnur og menn hress og kát í góðri tíð.Meira -
Smjörkjúllinn hans Einars | Matgæðingur Feykis
feykir.is Skagafjörður, Í matinn er þetta helst, Lokað efni 09.06.2025 kl. 11.51Matgæðingurinn í tbl 5 á þessu ár var Einar Helgi Guðlaugsson en hann er fæddur og uppalinn á Króknum. Foreldrar hans eru Bryndís Aðalsteinsdóttir og Guðlaugur Elinn Einarsson og áttu þau heima í Furuhlíðinni lengi vel. Kærasta Einars er Rósbjörg Jenný Magnúsdóttir sem er Siglfirðingur og eru foreldrar hennar Hrönn Fanndal og Magnús Stefán Jónasson og ólst hún upp á Hvanneyrabrautinni.Meira
