Nýir lyftustólar í setustofu sjúkrahúss HVE á Hvammstanga
Nýlega voru keyptir tveir lyftustólar í setustofu sjúkrahúss HVE á Hvammstanga. Var það gert fyrir ágóðann af opnun kaffihússins Kaffi Kandís á sjúkrahúsinu, sem er gert tvisvar á ári, annars vegar þegar litli jólabasarinn er haldinn í nóvembermánuði og svo hins vegar á vormánuðum samhliða listsýningu sem sýnd er á gangi sjúkrahússins. Hefur þetta verið aðalfjáröflun fyrir félagsstarfið sem fer fram á sjúkrahúsinu, sem er bæði fyrir vistmenn og dagþjónustufólkið. norðanátt.is greinir frá.
„Ágóðanum hefur verið varið í kaup á hinum ýmsu hlutum, sem komið hafa sér vel fyrir félagsstarfið, eins og t.d. tifsög, ryksugu henni tengdri og myndavél. Nú nýlega voru keyptir tveir lyftustólar sem eru staðsettir í setustofunni á sjúkrahúsinu. Þessir stólar eru mjög vinsælir til að hvíla lúin bein, láta fara vel um sig, hlusta á góða sögu, spjalla eða bara draga ýsur,“ segir í frétt Norðanáttar.
Loks þakkar Dagþjónustan þeim fjölmörgu sem hafa styrkt hafa þjónustuna í gegnum tíðina með því að versla á jólabasar og/eða hafa kíkt í kaffi á Kaffi Kandís. „Takk kærlega fyrir stuðninginn, án ykkar hefur þetta ekki verið hægt,“ segir loks á vefnum en þar má skoða fleiri myndir af nýju stólunum.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
