Nýr Staðarskáli
feykir.is
Vestur-Húnavatnssýsla
26.09.2008
kl. 12.33
Í gær var opnaður nýr Staðarskáli við nýjan kafla á Þjóðvegi eitt. Hermann Guðmundsson forstjóri N1 bauð fólk velkomið og lýsti aðdragandanum að byggingunni og Kristinn stöðvarstjóri í N1 Staðarskála klippti á borðann. Eftir að Séra Guðni Þór Ólafsson hafði blessað bygginguna, opnaði staðurinn formlega.
Gamlir siðir verða áfram í háveigum hafðir s.s. verður boðið upp á hina vinsælu kjötsúpu og sætabrauðið vinsæla. En við stækkun staðarins skapast miklir möguleikar á að hafa mikið úrval af réttum og kaffibrauði. Búast má við að mikið verði að gera á nýja staðnum þar sem Veitingastaðurinn Brú varð að víkja fyrir nýjum vegi og því líklegt að viðskiptavinir þaðan færi sig á nýja staðinn.
Fleiri fréttir
-
Eva Rún og Bardaginn
feykir.is Skagafjörður, Mannlíf, Lokað efni 19.07.2025 kl. 16.15Sumir fá meira í fangið en aðrir og lífið virðist stundum ekki sanngjarnt. Þá hefst oft bardaginn við sjálfan sig og sálartetrið sem getur sannarlega verið strembinn. Feykir hefur áður birt viðtal við Evu Rún Dagsdóttir vegna veikinda sem hún gekk í gegnum. Hún hristi þau af sér harðnaglinn sem hún er en ekki leið á löngu áður en annars konar veikind tóku sig upp. Hamlandi kvíði. Eva Rún kallar ekki allt ömmu sína og hún reynir að takast á við sjúkdóminn á sinn hátt. Í vetur gaf hún út ljóðabók sem ber nafnið Bardagi þar sem hún skrifar um veikindi sín og bardagann sem hún stendur í.Meira -
Fyrsta messa í Hofskirkju eftir endurbætur
feykir.is Skagafjörður, Mannlíf, Lokað efni 19.07.2025 kl. 12.20Hofskirkja á Höfðaströnd var bændakirkja til 1915. Hún er orðin það aftur og er eigandi hennar Lilja Sigurlína Pálmadóttir á Hofi. Hofsókn og Hofsóssókn sameinuðust 2023 með Hofsóskirkju sem sóknarkirkju. Hofskirkja lagðist því af og eignaðist Lilja hana. Kirkjan var orðin verulega illa farin og þurfti miklar viðgerðir ætti hún að standa áfram.Meira -
Laufey ráðin í stöðu aðstoðarskólameistara við FNV
feykir.is Skagafjörður, Mannlíf, Lokað efni 18.07.2025 kl. 13.56Laufey Leifsdóttir hefur verið ráðin í stöðu aðstoðarskólameistara við Fjölbrautaskóla Norðurlands vestra og tekur til starfa þann 1. ágúst næstkomandi.Meira -
Körfuknattleiksdeild Tindastóls er iðin við kolann
feykir.is Skagafjörður, Íþróttir, Lokað efni 18.07.2025 kl. 11.55Í nýrri tilkynningu segir: „Tindastóll styrkir kvennaliðið. Körfuknattleiksdeild Tindastóls hefur samið við Oceane Konkou, fransk-kanadískan framherja. Martin þjálfari segir Oceane vera þekkta fyrir hraða, varnarleik og að vera góð þriggja stiga skytta, eiginleika sem munu styrkja liðið verulega fyrir komandi tímabil. „Hún er að spila í Ástralíu núna og stendur sig mjög vel, við hlökkum mikið til að fá hana til liðsins“Meira -
HÚNAVAKA : „Það verður fullt hús hjá okkur hjónunum“
feykir.is Austur-Húnavatnssýsla, Mannlíf 18.07.2025 kl. 11.04Það er víst ótrúlega oft hægt að plata Auðun Sigurðsson í að gera hitt og þetta. Því plataði Feykir hann til að svara örfáum spurningum um Húnavökuna. „Ég bý á Blönduósi og hef gert það lungan úr mínu lífi. Þessa dagana er ég einna helst að sinna minni vinnu, ditta að heima hjá mér og leika golf í frístundum,“ segir þessi fyrrum markvörður Hvatar í fótboltanum.Meira
