Nýtt Skagafjarðarkort komið í dreifingu
Nú í vikunni kom nýtt Skagafjarðarkort Félags ferðaþjónustunnar í Skagafirði og Sveitarfélagsins Skagafjarðar úr prentun. Kemur kortið í stað Skagafjarðarbæklingsins sem gefinn hefur verið út árlega síðustu árin sem og afrifukortanna þar sem var kort af Skagafirði og götukort þéttbýlisstaðanna í sveitarfélaginu. Nýja kortið verður aðgengilegt í öllum helstu upplýsingamiðstöðvum landsins sem og hjá ferðaþjónustuaðilum í Skagafirði.
Skagafjarðarkortið nýja sameinar því Skagafjarðarbæklinginn og afrifukortið í eitt öflugt ferða- og þjónustukort fyrir ferðamenn þar sem allar helstu upplýsingar um Skagafjörð er að finna. Kortið sýnir þá áhugaverðu staði, þjónustu og afþreyingu sem Skagafjörður hefur upp á að bjóða fyrir ferðamenn. Þá gafst aðilum í ferðaþjónustu og verslun á svæðinu tækifæri til að auglýsa í bæklingnum og var þátttakan framar vonum.
Kortið var unnið hjá Nýprenti ehf. á Sauðárkróki í samvinnu við Félag ferðaþjónustunnar í Skagafirði og starfsfólk kynningar- og markaðsmála hjá Svf. Skagafirði. Starfsmenn Nýprents önnuðust hönnun, kortagerð og sáu um gerð meirihluta þeirra auglýsinga sem kortið prýða. Ísafoldarprentsmiðja prentaði.
Á heimasíðu Skagafjarðar segir: „Efnt var til myndasamkeppni um forsíðumynd Skagafjarðarkortsins. Margar fallegar myndir bárust og voru innsendar myndir um 80 talsins. Var mynd Hermanns Þórs Snorrasonar valin og prýðir hún forsíðu Skagafjarðarkortsins.“
Eftir að hafa verið andlit Skagafjarðar í langan tíma hefur loks ljósgrái líflegi unggæðingurinn, sem prýddi forsíður fyrri ferðabæklinga, verið lagður á hilluna – og sennilega búinn að draga ófáa ferðamennina í Skagafjörð síðustu 15 árin eða svo.
Hægt er að skoða nýja kortið hér >
Fleiri fréttir
-
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.