Nýtt skipurit á fjölskyldusviði sveitarfélagsins Skagafjarðar
Þann 2. maí barst mér tölvupóstur þar sem tilkynnt var um nýtt skipurit fyrir fjölskyldusvið sveitarfélagsins Skagafjarðar, breytingar sem tóku gildi 1. maí. Tilgangur breytinganna er sagður vera að samþætta þjónustu sem veitt er á fjölskyldusviði. Staða sviðsstjóra og fræðslustjóra sem áður var eitt stöðugildi er gerð að tveimur og búin er til staða verkefnastjóra sem á að sinna ýmsum verkefnum.
Jafnframt er í þessu bréfi tilkynnt hver hefur hlotið hvaða stöður í stjórnendahópi fjölskyldusviðs. Þar segir að sá sem hafi gengt stöðu frístundastjóra gegni því áfram. Staða frístundastjóra var lögð niður árið 2012 og hefur umræddur starfsmaður hingað til verið titlaður forstöðumaður íþróttamála á heimasíðu sveitarfélagsins. Þessi fullyrðing er því hreinlega ekki rétt. Nýr fræðslustjóri og nýr félagsmálastjóri eru tilgreindir ásamt sérfræðingi á fjölskyldusviði og áðurnefndum verkefnastjóra.
Nýtt skipurit var hvorki borið undir fræðslunefnd né byggðarráð. Þessi störf voru ekki auglýst af sveitarfélaginu.
Hvaða vissu geta íbúar haft fyrir því að hæfasta fólkið sé ráðið þegar stöður sveitarfélagsins eru ekki auglýstar? Ef sá sem í stöðu er skipaður er sannarlega besti kostur, þá er væntanlega eðlilegast að hann sæki um og fái svo ráðningu. Það er einfaldlega ekki hægt að vita fyrir víst hver er hæfastur án þess að auglýsa stöður og vega og meta umsóknir.
Einhverskonar hefð virðist að auki vera fyrir því að sveitarfélagið ráði í tímabundnar stöður sem lengjast svo ósjálfrátt og eru því aldrei auglýstar. Þetta er afleit stjórnsýsla.
Jafnræði og opin stjórnsýsla
Hvernig eigum við að fá fólk í fjörðinn, bæði nýtt fólk eða unga fólkið okkar aftur heim, ef stöður hjá sveitarfélaginu eru almennt ekki auglýstar? Þetta háttarlag hefur því miður viðgengist hjá sveitarfélaginu Skagafirði lengi. Þessu þarf að breyta. Hér eiga allir að hafa jafnan rétt á því að sækja um störf.
Þetta ásamt mörgu öðru sýnir hversu nauðsynlegt það er að stjórnsýslan hér verði opnari og íbúar upplýstari á allan hátt. Skipulagsbreytingar, mannaráðningar og aðrar stórar ákvarðanir sveitarfélagsins eiga að vera teknar í opnu ferli en ekki bak við lokuð tjöld.
Í skýrslu Sveitarstjórnarþings Evrópuráðsins árið 2017 er sýnt fram á að opin stjórnsýsla örvar pólitíska og samfélagslega þátttöku íbúa, auk þess að bæta opinbera þjónustu og ýta undir margvíslegar menningarlegar nýjungar. Með opinni stjórnsýslu styrkist lýðræði, ákvörðunarferli verða gagnsærri og mörkin fyrir ábyrgð sveitastjórna verða skýrari. Að auki geta opin gögn veitt gott aðhald gegn spillingu með því að opna upplýsingar um fjármál og árangur sveitarstjórna.
Ég tel að jafnræði og opin stjórnsýsla ætti að vera skýlaus krafa íbúa sveitarfélagsins Skagafjarðar.
VÓ - Fyrir fólkið fyrir firðinum
Álfhildur Leifsdóttir
Skipar 2. sæti á lista VG og óháðra
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.