Ólafsvíkingar reyndust sterkari
Lið Tindastóls fékk Víking Ólafsvík í heimsókn á Sauðárkróksvöll á laugardaginn. Leikið var við sæmilegar aðstæður á Króknum þó svo hitinn hafi ekki verið uppá margar gráðurnar. Leikurinn var jafn framan af en eftir að gestirnir tóku forystu eftir hálftíma leik þá höfðu þeir undirtökin þó ekki hafi þeir bætt við mörkum. Lokatölur urðu því 0-1 fyrir Víking.
Stólarnir léku undan vindi í fyrri hálfleik og voru heldur sterkari aðilinn framan af. Þeim tókst þó ekki að skora og það voru gestirnir sem fengu betri færi en nýr markvörður Tindastóls, Sebastian Furness, varði vel. Hann kom hins vegar engum vörnum við þegar Guðmundur Hafsteinsson komst inn fyrir vörn Stólanna á 28. mínútu og skoraði af öryggi, setti boltann í fjærhornið. Tindastólsmenn virtust heillum horfnir eftir þetta áfall og voru heppnir að sleppa inn í klefa aðeins einu marki undir.
Varnarleikur Stólanna batnaði í síðari hálfleik en illa gekk að skapa færi en lið Ólafsvíkinga er vel skipað og það reyndist ekki hlaupið að því að koma þeim í opna skjöldu. Tindastólsmenn gátu því ekki kvartað undan úrslitunum í leikslok, þeir voru lakari aðilinn að þessu sinni.
Þrátt fyrir töp í fyrstu tveimur umferðunum eru Stólarnir í 10. sæti deildarinnar en Þróttur R. og Leiknir R. hafa einnig tapað sínum leikjum en eru með lakara markahlutfall. Í næstu umferð fara strákarnir til Bolungarvíkur þann 26. maí en næsti heimaleikur er gegn ÍR laugardaginn 2. júní kl. 14:00.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
