Orðinn meiri útivera - Nýliðar í golfi - Margeir Friðriksson
Nýliðar voru áberandi í starfi GSS í sumar en metþátttaka var á árlegu nýliðanámskeiði í júní. Formaður klúbbsins brá sér í hlutverk blaðamanns og tók nokkra þeirra tali og hefur Feykir birt viðtöl í nokkrum blöðum. Hér er komið að síðasta þætti, í bili að minnsta kosti.
Margeir Friðriksson hefur verið máttarstólpi körfuboltafélagsins Molduxa til áratuga en í sumar dreif hann sig loks í golfið og sér ekki eftir því. Hann segist hafa spilað með hléum í sumar en verið duglegri síðsumars. Golfið segir hann hafa gert sér gott: „A.m.k. fyrir mig sem er latur kyrrsetumaður til nokkurra áratuga,“ og bætir við: „Að hafa golfið og góða golffélaga dregur mann úr viðjum vanans, sem var orðin þörf á.“
Margeir segir það helst hafa komið sér á óvart að hafa farið nokkrum sinnum í golf í veðri sem hann hefði annars haldið sig inni. „Ég er orðinn meiri útivera en ég var,“ segir Margeir sem mælir með því að fólk prófi að spila golf. „Ég get hiklaust mælt með því að fólk fari að iðka golfíþróttina. Hreyfingin, útiveran, félagsskapurinn, allt er þetta frábært. Það er svo bónus að lækka forgjöfina hafi maður áhuga á því. Það eiga allir sem tök hafa á því að kynna sér golfið.“
Margeir minnist skemmtilegs atviks frá sumrinu: „Meðspilari minn var að leita að kúlunni sinni á 7. brautinni hjá trjánum vinstra megin. Það var utan brautar og grasið frekar hátt, þó ekki hærra en svo að félaginn rétt sá í kollinn á hvítri kúlunni. Hann mælir fjarlægðina að holunni, velur sér kylfu við hæfi og slær af listfengi. Okkur báðum til undrunar splundraðist kúlan og við sprungum úr hlátri því þessi kúla var sveppur,“ segir Margeir og hlær.
Ánægjulegt er að fylgjast með nýjum félögum eiga góðar stundir á vellinum. Það verður gaman að sjá fleiri bætast í hópinn á næsta ári og það eru allir velkomnir í GSS.
@Kristján Bjarni Halldórsson
Áður birst í 41. tbl. Feykis 2020.
Fleiri fréttir
-
Lið Tindastóls jafnaði metin með sigri liðsheildarinnar
feykir.is Skagafjörður, Íþróttir 29.04.2024 kl. 22.05Lið Tindastóls og Aþenu mættust í annað sinn í einvígi sínu um sæti í Subway-deildinni í Síkinu í kvöld. Lið Aþenu fór illa með haltrandi Stólastúlkur í fyrsta leik sem var aðeins spennandi fyrstu mínúturnar. Það var annað uppi á teningnum í kvöld því leikurinn var æsispennandi en að þessu sinni var það lið Tindastóls sem leiddi lungann af leiknum. Gestirnir voru aðeins yfir í 20 sekúndur en voru annars í stöðugum eltingaleik við baráttuglatt lið Tindastóls. Það fór svo að taugar heimastúlkna héldu og sigur hafðist, lokatölur 67-64 og staðan í einvíginu 1-1.Meira -
Gunnari Þór afhent Gullmerki ÍSÍ fyrir mikil og góð störf
feykir.is Skagafjörður, Íþróttir 29.04.2024 kl. 20.45Ungmennasamband Skagafjarðar (UMSS) hélt ársþing sitt í félagsheimilinu Tjarnabæ laugardaginn 27. apríl síðastliðinn. Fulltrúi ÍSÍ á þinginu var Viðar Sigurjónsson en hann notaði tækifærið og veitti Gunnari Þór Gestssyni, formanni UMSS, Gullmerki ÍSÍ á þinginu fyrir mikil og góð störf í þágu íþrótta en Gunnar Þór hefur m.a. setið í fjölmörgum nefndum og starfshópum ÍSÍ.Meira -
Skagaströnd fékk rúmlega 41 milljón króna styrk vegna Spákonuhöfða
feykir.is Austur-Húnavatnssýsla 29.04.2024 kl. 19.31Lilja Dögg Alfreðsdóttir, menningar- og viðskiptaráðherra, úthlutaði í fyrir helgi úr Framkvæmdasjóði ferðamannastaða fyrir árið 2024. Tvö verkefni á Norðurlandi vestra hlutu styrki og annað þeirra var merkt Sveitarfélaginu Skagaströnd, styrkur að upphæð kr. 41.105.000 vegna verkefnisins Spákonufellshöfðu: Aðgengi fyrir alla.Meira -
Lokamót í Skagfirsku mótaröðinni
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 29.04.2024 kl. 15.06Á heimasíðu Hestamannafélagsins Skagfirðings segir að lokamótið í Skagfirsku mótaröðinni hafi verið haldið á dögunum þar sem keppt var í gæðingakeppni, tölti og skeiði en hér að neðan eru úrslitin:Meira -
Kirkjukvöld Kirkjukórs Sauðárkrókskirkju í kvöld
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 29.04.2024 kl. 14.55Kirkjukvöld Kirkjukórs Sauðárkróks er að venju haldið mánudag í Sæluviku nánar tiltekið í kvöld 29. apríl kl. 20:00.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.