Orðsending til sláturleyfishafa
Stjórn Félags sauðfjárbænda í Austur-Húnavatnssýslu fagnar þeim tíðindum að samruni Kjarnafæðis og Norðlenska sé í farvegi. Vonandi hefur þessi samruni í för með sér hagræðingu sem getur skilað sér í hærra afurðaverði til sauðfjárbænda. Stjórnin hvetur alla sláturleyfishafa til að borga ekki lægra verð heldur en viðmiðunarverð Landssamtaka sauðfjárbænda á komandi sláturtíð (viðmiðunarverð birt á heimasíðu LS, 16. júlí 2020).
Ljóst er að sauðfjárbændur hafa tekið á sig miklar verðfellingar á sínum afurðum og því er boltinn nú hjá sláturleyfishöfum að koma verðleiðréttingu til þeirra. Fáist ekki fram hækkun á afurðum sauðfjárbænda er grundvöllur fyrir rekstri sauðfjárbúa ekki fyrir hendi.
Slóð á viðmiðunarverð
/Fréttatilkynning
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.