Öskubusku ævintýrið hjá Unglingaflokki drengja
Unglingaflokkur körfuknattleiksdeildar Tindastóls tók á móti ÍR í undanúrslitaleik sl. þriðjudag. „Sýndu strákarnir okkar hvernig ætti að spila körfubolta og tóku strákana úr Breiðholtinu í kennslustund,“ segir í fréttatilkynningu frá Tindastól en lokatölur urðu 104 – 66. Næst eru strákarnir á leiðinni í úrslitaleikinn í Stykkishólmi á morgun, 25. apríl, og verða mótherjarnir FSu.
„Í liðinu er valinn maður í hverri stöðu, allir frábærir og geðgóðir ungir piltar með frábæran þjálfara. Ekki má gleyma Kára Mar sem hefur staðið með Martín á hliðarlínunni,“ segir í tilkynningunni.
„Þessir strákar byrjuðu tímabilið í október og hafa lent í allskonar veðrum á leið sinni í leiki og á heimleiðinni og hafa þurft að fara krókaleiðir til þess að komast heim eða þurft að gista einhversstaðar á leiðinni, en það truflaði þá nú ekki að leggja af stað í ferðalögin vitandi það að annað hvort kæmust þeir ekki heim eða þyrftu að fara krókaleið til að komast heim og sýnir þetta okkur hvað þetta eru miklir keppnismenn og kalla ekki allt ömmu sína,“ segir í tilkynningunni.
Ennfremur segir að gengi strákanna í vetur megi líkja við einskonar öskubusku ævintýri, þeir hafi unnið alla sína leiki og fara taplausir í gegnum tímabilið.
„Fyrsta sætið er þeirra alveg skuldlaust. Ekki skemmdi það fyrir að strákarnir áttu stórleiki í vetur og var það hin besta skemmtun að fylgjast með þeim í vetur. Margir bæjarbúar að tala um þessa stráka og gengi þeirra í vetur sem yljar manni og ekki skemmir það hvað unga kynslóðin tekur eftir gengi þeirra og eru þeir þeim til fyrirmyndar.“
Leikurinn hefst kl. 19:00 en fyrir þá sem ekki komast í Hólminn að styðja drengina til dáða þá verður leikurinn sýndur beint á www.sporttv.is.
Áfram Tindastóll!
Fleiri fréttir
-
Lasagna í sparifötum og pesto | Matgæðingur Feykis
feykir.is Skagafjörður, Í matinn er þetta helst, Lokað efni 07.06.2025 kl. 10.42Svana Berglind Karlsdóttir var matgæðingur Feykis í tbl 3 á þessu ári og er hún fædd og uppalin á Króknum, er dóttir Kristínar Guðjónsdóttur og Karls Holm og systir Fanneyjar Ísfoldar, Sigfríðar Ingu og Guðjóns Sigmars. Svana er gullsmiður og er nýlega flutt til Akureyrar frá Hafnarfirði þar sem hún bjó flest sín fullorðinsár.Meira -
Arnar Guðjónsson er nýr þjálfari Tindastóls í körfunni
feykir.is Skagafjörður, Íþróttir 06.06.2025 kl. 20.19Körfuknattleiksdeild Tindastóls hefur samið við Arnar Guðjónsson og mun hann taka við sem þjálfari meistaraflokks karla næstkomandi tímabil. Í tilkynningu sem kkd. Tindastóls sendi frá sér í dag kom fram að Arnar mun einnig sjá um Körfuboltaakademíu Tindastóls og Fjölbrautaskóla Norðurlands vestra og aðstoða við skipulag á þjálfun yngri flokka.Meira -
Héraðsvötn og Kjalölduveitu í nýtingarflokk
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 06.06.2025 kl. 19.47Nú liggur fyrir á alþingi og til umræðu í Umhverfis- og samgöngunefnd tillaga til þingsályktunar um breytingu á þingsályktun um áætlun um vernd og orkunýtingu landsvæða, nr. 24/152 frá umhverfis-, orku- og loftslagsráðherra.Meira -
Enn flæðir í Fljótum
feykir.is Skagafjörður, Lokað efni 06.06.2025 kl. 13.55„Þetta fer að vera kunnugleg sjón. Ós Miklavatns annar ekki vatnsflaumnum og yfirborð Miklavatns hækkar,“ segir Halldór Gunnar Hálfdansson, bóndi á Molastöðum í Fljótum, í færslu á síðunni Sveitin okkar – Fljótin. Enn á ný gera flóð bændum lífið leitt en að sögn Stefaníu Hjördísar Leifsdóttir er ástandið ekki eins slæmt og í fyrra.Meira -
560 mál á borð Lögreglunnar á Norðurlandi vestra í maí
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 06.06.2025 kl. 13.04Málafjöldi maímánaðar hjá Lögreglunni á Norðurlandi vestra reyndist áþekkur fyrri mánuðum ársins en 560 mál voru skráð til úrvinnslu hjá embætti lögreglunnar á svæðinu í maí. Í frétta á vef lögreglunnar kemur fram að þrátt fyrir sambærilegan málafjölda hafi meira verið um þung mál í maí en undanfarna mánuði.Meira
