Óvelkomnar og óþrifalegar
Landeigendur á Gránumóum eru orðnir langþreyttir á ágangi sauðfjár í kringum byggingar sínar í þéttbýli Sauðárkróks. Margir muna örugglega eftir því þegar sumarblómin á Kirkjutorginu á Sauðárkróki urðu veisluborð sauðkinda, eina síðsumarnótt í fyrra. Enn einu sinni eru þær mættar í bæinn.
Ennþá virðist ekki hægt að koma í veg fyrir að sauðfé gangi óhindrað inn í þéttbýli Sauðárkróks, þrátt fyrir að milljónum hafi verið eytt í girðingavinnu síðustu ár til að reyna að koma í veg fyrir það. Bærinn er ekki orðinn fjárheldur að norðan. Það hefur verið lagt til að loka bæjarlandinu með ristarhliði á Þverárfjallsvegi við Reykjastrandarafleggjarann en það mál er inná borði sveitarstjóra og Vegagerðar. Ekki náðist í Sigfús Inga Sigfússon sveitarstjóra Skagafjarðar við vinnslu á þessari frétt til að vita hvar það mál er statt. Einnig hefur líka orðið ljóst eftir að Gönguskarðsáin var virkjuð er hún ekki lengur náttúruleg hindrun fyrir kindur að fara um, segir Kári Gunnarsson umhverfis- og landbúnaðarfulltrúi Skagafjarðar.
Landeigendur á Gránumóum eru vægast sagt orðnir þreyttir á ágangi sauðfjár í kringum þeirra byggingar og velta fyrir sér hverjir séu ábyrgir þegar lausaganga búfjár er bönnuð í þéttbýli og samt sem áður gera þær sig heimankomnar í kringum húsin, valda þar tjóni og þeim fylgir mikill óþrifnaður.
Kindurnar geta verið vandamál bæði á vorin áður en þær eru reknar í afrétt og einnig á haustin þegar þær fara að leita heim úr sumarhaganum. Þær virðast vita hvert þær eiga ekki að fara og hvar þær eiga ekki að vera og það merkilega er, þar halda þær gjarnan til. Á þessu getur reynst erfitt að hafa stjórn og deginum ljósara að þær eru ekki velkomnar þar sem þær eiga ekki heima.
Fleiri fréttir
-
Krúttlegur hryllingur í Bifröst | Kristín Einars kíkti í leikhús
feykir.is Skagafjörður, Listir og menning 16.05.2024 kl. 09.34Væntingum var verulega stillt í hóf þegar undirrituð lagði leið sína í Bifröst á sunnudagskvöldið. Ekki var það á nokkurn hátt vantrú á hæfileika skagfirskra áhugaleikara eða leikhúsfólks í Firðinum sem réði því, heldur miklu frekar áhyggjur af því að ein af sterkustu leikhúsupplifunum æsku minnar trufluðu þessa upplifun sem í vændum var. Ég var nefnilega rétt að detta í tólf ára aldurinn þegar ég sá fyrstu uppsetningu verksins hér á landi í Gamla bíói. Þar voru Leifur Hauksson, Edda Heiðrún, Gísli Rúnar og Laddi meðal leikara og Björgvin Halldórsson léði plöntunni rödd sína. En ég var fljót að ýta þeim áhyggjum til hliðar og naut hverrar sekúndu í Bifröst. Þvílík fagmennska og flottur hópur sem þarna lét ljós sitt skína! Það er kannski klisjukennt að tala um að toppa sig, en það gerði Leikfélag Sauðárkróks svo sannarlega með þessari sýningu.Meira -
Gyrðir Elíasson hlaut Maístjörnuna fyrir ljóðabók ársins 2023
feykir.is Skagafjörður, Listir og menning 16.05.2024 kl. 09.21Ljóðabókaverðlaunin Maístjarnan voru afhent í Þjóðarbókhlöðunni í gær en það var Gyrðir Elíasson sem hlaut verðlaunin fyrir ljóðabók ársins 2023 Elíasson fyrir ljóðabókatvennuna Dulstirni & Meðan glerið sefur. Rithöfundasamband Íslands stendur að verðlaununum ásamt Landsbókasafni Íslands – Háskólabókasafni.Meira -
Landsáætlun um riðuveikilaust Ísland komin í samráðsgátt
feykir.is Skagafjörður, Austur-Húnavatnssýsla, Vestur-Húnavatnssýsla 16.05.2024 kl. 08.34Bjarkey Olsen Gunnarsdóttir matvælaráðherra hefur lagt fram í samráðsgátt landsáætlun um riðuveikilaust Ísland. Áætlunin er unnin af starfshópi sem var skipaður í janúar 2024 og gerir hún ráð fyrir umtalsverðri breytingu á nálgun við útrýmingu riðuveiki frá því sem verið hefur. Horft er frá því að reyna að útrýma riðusmitefninu sjálfu en megináhersla lögð á að útrýma veikinni með ræktun fjárstofns sem ber verndandi arfgerðir gegn smitefninu ásamt áframhaldandi aðgerðum til að hefta mögnun og dreifingu þess.Meira -
Langar ykkur að taka þátt í krakkakosningunum?
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.05.2024 kl. 16.19Umboðsmaður barna og KrakkaRÚV standa fyrir sínum sjöttu Krakkakosningum, nú í tengslum við forsetakosningarnar sem haldnar verða þann 1. júní nk. Með Krakkakosningum er börnum gefið tækifæri á að láta í ljós skoðanir sínar á frambjóðendum og er það í samræmi við það sem m.a. kemur fram í Barnasáttmálanum, samningi Sameinuðu þjóðanna um rétttindi barnsins, þar sem segir að börn eigi rétt á að láta í ljós skoðanir sínar og hafa áhrif á samfélagið. Niðurstöður kosninganna verða kynntar í upphafi kosningasjónvarps RUV að kvöldi kosningadags.Meira -
Vala María bakar og fagnar fólki í Áshúsi
feykir.is Skagafjörður, Listir og menning, Mannlíf 15.05.2024 kl. 14.21Það er komið sumar þó hitastigin séu nú varla til skiptanna en farið er að örla á auknum túrisma. Sumarið kallar á meiri umsýslu á veitingastöðum og kaffihúsum og í Skagafirði er að sjálfsögðu opið á þeim stöðum sem jafnan eru opnir og nokkrir hafa bæst við með hækkandi sól. Þannig er Vala María Kristjánsdóttir nýr verkefnastjóri matarupplifunar í Áshúsi Byggðasafnsins í Glaumbæ en kaffihúsið opnar 20. maí.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.