Reka garðyrkjustöðvar á Laugarbakka og Kleppjárnsreykjum
Einar Pálsson og Kristjana Jónsdóttir keyptu garðyrkjustöðina Skrúðvang á Laugarbakka síðasta sumar en þau eiga jafnframt Garðyrkjustöðina Sólbyrgi í Reykholtsdal. Í apríl s.l. hlutu þau hvatningarverðlaun garðyrkjunnar, en þau verðlaun eru veitt þeim sem vinna að athyglisverðum og framsæknum nýjungum í greininni og eiga skilið að fá hvatningu til að halda áfram á sömu braut. Frá þessu er greint á vefnum skessuhorn.is.
Fram kemur að Einar og Kristjana hafi komið í Sólbyrgi sem algjörir nýgræðingar í greininni, en áður en þau keyptu þar höfðu þau varla stigið inn í gróðurhús. Það var því fjölmargt sem þau þurftu að ná tökum á og læra frá grunni. Áður höfðu þau búið í Vestmannaeyjum þar sem Einar starfaði við sjómennsku og bílaviðgerði og Nanna starfaði hjá Íslandspósti. "Helsti kosturinn sem þau höfðu með sér var tækniþekking og útsjónarsemi, eins og að kunna aðeins að bjarga sér aðeins með rafmagn, lagnir, gler og þess háttar." Einar skellti sér svo í fjarnám á ylræktarbraut við Garðyrkjuskólann á Reykjum. Því námi lauk hann vorið 2012.
Í frétt Skessuhorns segir að garðyrkjustöðin Skrúðvangur þarfnist verulegs viðhalds og að hún verði tekin í gegn á næstu misserum. Þetta sumarið verða þau með jarðarber í báðum húsunum og hafa þau fengið heimafólk til að sjá um stöðina í sumar. Þar mun gestum og gangandi gefast tækifæri til að koma við og kaupa fersk jarðarber.
Í Sólbyrgi hafa Einar og Nanna verið að rækta agúrkur, tómata, gulrætur, paprikur, kúrbít og jarðarber. Þau hafa einnig gert tilraunir með kryddjurtir og verða með þær til sölu á markaði í Borgarnesi í sumar.
Fleiri fréttir
-
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira -
Óskað eftir tilnefningum til samfélagsverðlauna í Húnaþingi vestra
feykir.is Vestur-Húnavatnssýsla, Mannlíf 19.06.2025 kl. 09.19Félagsmálaráð Húnaþings vestra óskar eftir tilnefningum frá íbúum sveitarfélagsins um aðila til samfélagsviðurkenninga fyrir verk sín eða störf í þágu samfélagsins. Í frétt á Húnahorninu segir að allir komi til greina, jafnt einstaklingar, fyrirtæki sem og félagasamtök sem hafa með gjörðum sínum og framgöngu látið gott af sér leiða og verið öðrum góð fyrirmynd.Meira -
Sjónhorn og Feykir koma út í dag
feykir.is Skagafjörður, Austur-Húnavatnssýsla, Vestur-Húnavatnssýsla 19.06.2025 kl. 09.01Feykir og Sjónhorn fara í dreifingu í dag, fimmtudaginn 19. júní, en þjóðhátíðardagurinn setti strik í reikninginn varðandi prentun og dreifingu og blöðin því að berast í hús degi síðar en vanalega. Sjónhornið var reyndar komið á netið í gær en rafræn útgáfa Feykis varð aðgengileg nú í morgun.Meira -
Frelsið til þess að ráða eigin málum | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 08.22Fjölmörg dæmi eru um það í sögu Íslands síðustu hundrað árin hvernig fullveldið, frelsið til þess að ráða eigin málum, hefur skipt sköpum fyrir hagsmuni þjóðarinnar. Bæði stór og smá. Landhelgisdeilurnar á síðari hluta 20. aldarinnar eru þar eðlilega áberandi. Efnahagslögsagan hefði ekki ítrekað verið færð út þar til hún náði að lokum 200 mílum ef valdið til þess hefði ekki verið innanlands. Án frumkvæðis íslenzkra ráðamanna hefði efnahagslögsagan seint verið færð út.Meira -
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira
