Rétti tíminn til að hefja loðdýrarækt
Aðalfundur loðdýrabænda var haldinn á Hótel Varmahlíð um síðustu helgi sem lauk með skemmti- og fróðleiksferð um Skagafjörð og árshátíð á laugardagskvöldið. Þar voru meðal annars veitt verðlaun fyrir íslensku skinnasýninguna sem haldin var í Herning í Danmörku dagana 30. mars til 1. apríl sl. Frá Íslandi fór að þessu sinni 25 manna hópur.
Á fundinn kom fulltrúi frá Kopenhagen Fur og var með kynningu á stöðu markaðarins og hvað þeir sjá framundan. „Það er ljóst að mikið hefur dregið úr framleiðslunni frá því árið 2014 en þá sprengdi framboðið eftirspurnina. Mestur er samdrátturinn í Kína og í baltnesku löndunum. Góð sala hefur síðan verið á smásölumarkaðnum um mest allan heim í vetur enda eru vörur úr minkaskinni mjög vinsælar í dag. Það er því margt sem bendir til þess að skinnaverð á komandi uppboðum haldi áfram að hækka í erlendri mynt og að salan verði góð. Það má því segja að jákvæð spenna sé nú í loftinu en árið 2016 var mjög erfitt rekstrarár þar sem skinnaverð voru þá langt undir framleiðslukostnaði,“ segir Einar E. Einarsson minkabóndi á Syðra-Skörðugili bjartsýnn á framtíð loðdýraræktar á Íslandi.
„Minkarækt hefur alltaf verið og er áfram spennandi og skemmtileg búgrein. Fóðurstöð Kaupfélagsins hefur líka aldrei verið sterkari og öflugari í að skaffa gott fóður en núna og nóg er af hráefnunum. Það er því kjörið fyrir þá sem vilja starfa innan landbúnaðargeirans að skoða minkaræktina vel. Það er best og ódýrast að byrja þegar skinnaverðin eru í lægð. Ég vona því að einhverjir nýir aðilar komi inn í greinina svo við getum aukið aðeins framleiðsluna frá Íslandi en um leið skaffað atvinnu hér á svæðinu og nýtt öll þessi hráefni. Krónan mun svo að endingu gefa eftir en meðan verið er að byggja upp er gott að hafa hana sterka því þá eru búr og annað sem þarf að kaupa erlendis frá ódýrari í innkaupum,“ segir Einar í viðtali við Feyki sem kemur út í dag. Þar segir hann nánar frá sýningunni í Herning, stöðu loðdýraræktar á Íslandi og samanburð íslensku framleiðslunnar gagnvart þeirri erlendu.
Fleiri fréttir
-
Myndaveisla úr Síkinu í boði Sigurðar Inga
feykir.is Skagafjörður, Íþróttir, Ljósmyndavefur 15.05.2025 kl. 14.35Af því að lífið er körfubolti - ekki saltfiskur (sem betur fer) – þá er rétt að bjóða lesendum Feykis upp á aðeins meira af leiknum í gær. Sigurður Ingi ljósmyndari var að sjálfsögðu í Síkinu og Feykir fékk að velja 20 frábærar myndir í góða myndamöppu til birtingar.Meira -
Síðasta sýningin í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 15.05.2025 kl. 14.22Nú er síðasti séns að sjá Flæktur í netinu hjá Leikfélaginu á Sauðárkróki, því nú er komið að lokum.Meira -
Brosandi hér, brosandi þar, brosandi í gegnum öldurnar!
feykir.is Skagafjörður, Íþróttir, Lokað efni 15.05.2025 kl. 12.00Það var hátíðardagur á Króknum í gær, enda þriðji í úrslitakeppni sem ætti auðvitað að vera opinber frídagur í Firðinum fagra. Þar sem sól skein í heiði, hitinn nartaði í rassinn á sköflum í efstu skörðum og golan rétt dugði til að hreyfa við Tindastólsfánunum á Króknum þá var dúndur- og gleðistemning upp við Síki löngu áður en hleypt var inn í hús. Og leikurinn? Jú, sömu töfrarnir innanhúss og utan og úrslitin eins og við viljum hafa þau. Stólasigur 110-97 eftir hörkuleik.Meira -
Diddi Frissa nýr rekstraraðili á Húnavöllum
feykir.is Austur-Húnavatnssýsla 15.05.2025 kl. 10.50Nýr rekstraraðili, Diddi Frissa, hefur tekið við á Húnavöllum og er að keyra starfsemina í gang í þessum skrifuðu orðum. Didda langar að bjóða íbúum Húnabyggðar í heimsókn á föstudaginn og bjóða upp á súpu í leiðinni. Gamlir nemendur og starfsmenn Húnavallaskóla eru boðnir sérstaklega velkomnir.Meira -
Sauma nú myndir úr Vatnsdælureflinum
feykir.is Austur-Húnavatnssýsla 15.05.2025 kl. 10.17Á vef Húnabyggðar er sagt frá hefðarkonum sem komu saman í kvennaskólanum á Blönduósi í gær. Nú þegar lokið hefur verið við sum á Vatnsdælureflinum eru þær aftur sestar við saum og hafa hafist handa við að sauma út myndir úr Vatnsdælureflinum sem seldar verða seinna í sumar þegar refilinn verður sýndur.Meira
