Ríkisstjórnin samþykkir skipun sérstakrar landshlutanefndar fyrir Norðurland vestra
Ríkisstjórnin samþykkti þann 9. maí sl. að skipuð yrði sérstök landshlutanefnd fyrir Norðurland vestra sem komi með tillögur sem miða að því að efla byggðaþróun, fjölga atvinnutækifærum og efla fjárfestingu á svæðinu. Jafnframt er nefndinni ætlað að horfa til þeirra tækifæra sem liggja í því hvernig efla megi opinbera þjónustu á svæðinu en hún hefur dregist umtalsvert saman á undanförnum árum. Þetta kemur fram í minnisblaði forsætisráðuneytis.
Stefán Vagn Stefánsson, formaður byggðaráðs Svf. Skagafjarðar og formaður nýskipaðrar landshlutanefndar, segir afar mikilvægt fyrir íbúa Skagafjarðar og Norðurland vestra að þetta mál hafi náðst í gegn því ljóst er að svæðið hafi verið skilið eftir.
„Hér hefur verið fólksfækkun og verkefni okkar er að snúa þeirri þróun við. Það verður stóra verkefni næsta kjörtímabils. Þetta er afskaplega gott verkfæri fyrir okkur að hafa í höndunum í þeirri vinnu og jákvætt að ríkið skuli koma að þessu með jafn ákveðnum hætti og þetta verkefni ber með sér. Ekki er einungis verið að tala um opinber störf heldur líka að fjölga fjárfestingum á svæðinu. Þetta er stórt mál, því hér hafa orðið afskaplega litlar stórfjárfestingar síðan um 1980 þegar Steinullarverksmiðjan var reist. Það er því spurning hvort þetta er ekki verkfærið sem við þurfum til að draga stór tækifæri hingað á svæðið,“ segir Stefán Vagn í samtali við Feyki.
Landshlutanefndin mun heyra undir forsætisráðuneytið en í minnisblaðinu kemur fram að mikilvægt sé að öll ráðuneyti og hlutaðeigandi stofnanir vinni með nefndinni. „Nefndin skal hafa samráð um vinnu sína við starfshóp Stjórnarráðsins um byggðamál sem er samhæfður af atvinnuvega- og nýsköpunarráðuneytinu og starfsmaður Byggðastofnunar vinnur með,“ segir á minnisblaðinu.
Í nefndinni sitja: Stefán Vagn Stefánsson (formaður) yfirlögregluþjónn, Sigríður Svavarsdóttir, framhaldsskólakennari, Héðinn Unnsteinsson stefnumótunarsérfræðingur í forsætisráðuneytinu, Unnur Valborg Hilmarsdóttir framkvæmdastjóri og Valgarður Hilmarsson framkvæmdastjóri. Með nefndinni starfar Ásmundur Einar Daðason alþingismaður og aðstoðarmaður forsætisráðherra. Starfsmaður nefndarinnar kemur frá Byggðastofnun.
Nefndin skal skila tillögum sínum eigi síðar en 1. nóvember 2014. Fyrir 1. júlí skal nefndin skila forsætisráðherra verk- og tímaáætlun um fyrirhugað starf.
Fleiri fréttir
-
Varmahlíðarskóli endaði í 3ja sæti í Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.Meira -
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
