Rokksumarbúðir Stelpur rokka!
Rokkbúðasamtökin Stelpur rokka! munu halda helgarlangar rokkbúðir í félagsheimilinu á Hólmavík dagana 15. til 17. ágúst, en þetta er í fyrsta skipti sem Stelpur rokka! koma vestur.
Dagskrá rokkbúðanna verður frá kl. 13 til 17 á föstudeginum og kl. 10 til 17 á laugardag og sunnudag. Lokatónleikarnir verða kl. 17 í Félagsheimilinu á Hólmavík.
Í rokkbúðunum læra stelpur á hljóðfæri, taka þátt í spennandi vinnusmiðjum, spila saman í hljómsveit og flytja frumsamið lag fyrir framan fullan sal fjölskyldu og vina.
20 pláss eru í boði fyrir 12 til 16 ára stelpur og viðmiðunarþátttökugjald er 12.000 krónur, en engri stúlku verður vísað frá sökum fjárskorts. Frí og niðurgreidd pláss til efnaminni stúlkna eru í boði. Stelpur frá nærliggjandi sveitarfélögum eru velkomnar. /Fréttatilk.
Stelpur rokka! er sjálfboðaverkefni sem vinnur eftir femínískri hugsjón við að efla ungar stelpur í tónlistarsköpun. Stelpur rokka! starfa ekki í hagnaðarskyni.
Fram kemur á heimasíðu samtakanna að Stelpur rokka! er aðili að regnhlífarsamtökunum Girls Rock Camp Alliance sem samanstendur af fjölda rokksumarbúðaverkefna um allan heim, m.a í Bandaríkjunum, Svíþjóð og Þýskalandi. Girls Rock Camp Alliance stendur fyrir árlegri ráðstefnu rokkbúðaskipuleggjenda þar sem starfskonur rokkbúðanna hittast og deila reynslu sinni af starfinu, styrkja samstarfsböndin sín á milli og þróa starfsemina áfram.Fulltrúar frá Stelpur rokka! mættu á ráðstefnuna árið 2012 og 2013 og eru íslensku rokkbúðirnar einnig virkur aðili að nýstofnuðu Evrópuneti Rokkbúðabandalagsins.
-Rokksumarbúðir Stelpur rokka! standa öllum stelpum og transstelpum opnar, óháð uppruna, fjárhag, kynhneigð, túlkun kyngervis, trú, móðurmáli, fötlun eða annarra breyta.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
