Keppni í Meistaradeild KS frestað til föstudags
Í kvöld átti að keppa í slaktaumatölti T2 í Meistaradeild KS í hestaíþróttum í Reiðhöllinni Svaðastöðum. Vegna slæmrar veðurspár fyrir kvöldið, en spáð er snarpri sunnanátt og snjókomu í Skagafirði, hefur verið tekin ákvörðun um að fresta keppni og verður mótið þess í stað haldið föstudaginn 27. febrúar klukkan 19:00.
Í frétt Eiðfaxa segir að aðstandendur Meistaradeildar KS vilji með þessu tryggja öryggi knapa en margir þeirra koma langt að og mikilvægt er að allir komist leiðar sinnar áfallalaust.
Dagskrá og fyrirkomulag nk. föstudag:
18:50 – Upphitunarhestur mætir í braut
19:00 – Forkeppni (Rásnúmer 1-27)
Hlé – 30 mínútna kaffipása og spjall
Úrslit – B-úrslit og loks glæsileg A-úrslit
Glitrum fyrir börnin!
Mótið á föstudaginn verður með sérstöku yfirbragði þar sem kvöldið er tileinkað Einstökum börnum. Þar sem föstudagurinn er dagur þeirra eru gestir og knapar hvattir til að mæta með nóg af glimmeri og glitri til að lýsa upp kvöldið í tilefni dagsins.
Slaktaumatölti í Meistaradeild KS á föstudaginn verður að sjálfsögðu í beinni útsendingu á EiðfaxaTV.
Heimild: Eiðfaxi.is
Fleiri fréttir
-
Framúrskarandi verkefni 2025
feykir.is Skagafjörður, Austur-Húnavatnssýsla, Vestur-Húnavatnssýsla 25.02.2026 kl. 09.31Samtök sveitarfélaga á Norðurlandi vestra kallar eftir tilnefningum til framúrskarandi verkefna á Norðurlandi vestra á árinu 2025. Þetta er í sjöunda sinn sem viðurkenningin verður veitt og gert er ráð fyrir að hún verði afhent í lok mars 2026. Viðurkenningarnar eru veittar í tveimur flokkum: Annars vegar verkefni á sviði atvinnuþróunar og nýsköpunar og hins vegar verkefni á sviði menningar.Meira -
Veður fer versnandi þegar líður á daginn
feykir.is Skagafjörður, Austur-Húnavatnssýsla, Vestur-Húnavatnssýsla 25.02.2026 kl. 09.01Vegir á Norðurlandi vestra er færir en á flestum þeirra er þó hálka eða hálkublettir. Á vegum á Skaga og Tröllaskaga er ýmis skafrenningur eða éljagangur og því vissara að kanna aðstæður áður en lagst er í ferðalög því gert er ráð fyrir snjókomu þegar líður á daginn og auknum vindi þegar kvöldið nálgast.Meira -
Flösku- og dósasöfnun frestað til fimmtudagsins 26. feb.
feykir.is Skagafjörður 24.02.2026 kl. 14.40Flösku- og dósasöfnun sem átti að fara fram á morgun, miðvikudaginn 25. febrúar, hefur verið frestað til fimmtudagsins 26. febrúar og munu iðkendur Körfuknattleiksdeildar Tindastóls ganga í hús á Króknum milli kl. 17-19. Ef þið eruð vant við látin, en viljið gefa nokkrar dósir og/eða flöskur, þá er ykkur velkomið að setja poka fyrir utan hurðina hjá ykkur merkta Tindastól og við kippum þeim með okkur.Meira -
Á sama tíma að ári á svið í Bifröst
feykir.is Skagafjörður, Lokað efni 24.02.2026 kl. 14.25Það er löngu orðin hefð fyrir því að Leikfélagið á Sauðárkróki frumsýni leikrit í Sæluviku. Venjulega er eitt verk sýnt að vori, ætlað fullorðnum áhorfendum og haustverk félagsins yfirleitt fyrir yngri kynslóðina. Leikfélag Sauðárkróks er eitt elsta áhugamannaleikfélag á landinu en það var stofnað 13. apríl 1888.Meira
