Rokland forsýnd á Króknum 29. desember
Forsýning kvikmyndarinnar Rokland verður á Sauðárkróki 29. desember nk. en en almennar sýningar hefjast 14. janúar í Sambíóum um land allt. Myndarinnar hefur verið beðið með óþreyju af Króksurum sem margir hverjir tóku þátt í gerð hennar með einum eða öðrum hætti en flestar útitökur voru teknar á Sauðárkróki og nærsveitum.
Eins og flestir vita er myndin gerð eftir sögu Hallgíms Helgasonar sem segir frá Bödda (Ólafur Darri Ólafsson) sem snýr aftur til Sauðárkróks eftir 10 ára námsdvöl í Þýskalandi og ætlar sér að breyta hugsunarhætti Íslendinga. Á bloggsíðu sinni predikar Böddi sínar háleitu, þýsku hugsjónir í bland við víkingaaldar rómantík. Hann fer heldur geyst og er rekinn úr starfi sem kennari Fjölbrautarskólans eftir misheppnaða vettvangsferð til Drangeyjar.
Böddi heldur samt áfram uppteknum hætti því hann er hugsjónamaður en lánið leikur ekki við hann. Sú sem hann elskar vill hann ekki og sú sem hann notar er að nota hann. Á bloggsíðunni eys hann úr viskubrunni sínum yfir mörlandann við lítinn fögnuð Sauðkræklinga. Á Króknum verður engu breytt! Böddi heldur því af stað til Reykjavíkur á hestinum Nietzsche. Hann er með byssu í vasanum og háleitar hugsjónir fyrir lýðinn. Hann er tilbúinn að hefja byltingu. Alvöru byltingu.
Leikstjóri og handritshöfundur er Marteinn Þórsson. Rokland er framleidd af Pegasus ehf og er framleiðandi myndarinnar Snorri Þórisson. Með aðahlutverk fara: Ólafur Darri Ólafsson, Elma Lísa Gunnarsdóttir, Stefán Hallur Stefánsson , Lára Jóhanna Jónsdóttir og LADDI.
Upptökur fóru fram á Sauðárkróki og í Reykjavík og nágrenni um vetur og sumar árið 2009.
Myndskeið úr Roklandi er komið á YouTube sem hægt er að nálgast HÉR
Fleiri fréttir
-
Myndaveisla úr Síkinu í boði Sigurðar Inga
feykir.is Skagafjörður, Íþróttir, Ljósmyndavefur 15.05.2025 kl. 14.35Af því að lífið er körfubolti - ekki saltfiskur (sem betur fer) – þá er rétt að bjóða lesendum Feykis upp á aðeins meira af leiknum í gær. Sigurður Ingi ljósmyndari var að sjálfsögðu í Síkinu og Feykir fékk að velja 20 frábærar myndir í góða myndamöppu til birtingar.Meira -
Síðasta sýningin í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 15.05.2025 kl. 14.22Nú er síðasti séns að sjá Flæktur í netinu hjá Leikfélaginu á Sauðárkróki, því nú er komið að lokum.Meira -
Brosandi hér, brosandi þar, brosandi í gegnum öldurnar!
feykir.is Skagafjörður, Íþróttir, Lokað efni 15.05.2025 kl. 12.00Það var hátíðardagur á Króknum í gær, enda þriðji í úrslitakeppni sem ætti auðvitað að vera opinber frídagur í Firðinum fagra. Þar sem sól skein í heiði, hitinn nartaði í rassinn á sköflum í efstu skörðum og golan rétt dugði til að hreyfa við Tindastólsfánunum á Króknum þá var dúndur- og gleðistemning upp við Síki löngu áður en hleypt var inn í hús. Og leikurinn? Jú, sömu töfrarnir innanhúss og utan og úrslitin eins og við viljum hafa þau. Stólasigur 110-97 eftir hörkuleik.Meira -
Diddi Frissa nýr rekstraraðili á Húnavöllum
feykir.is Austur-Húnavatnssýsla 15.05.2025 kl. 10.50Nýr rekstraraðili, Diddi Frissa, hefur tekið við á Húnavöllum og er að keyra starfsemina í gang í þessum skrifuðu orðum. Didda langar að bjóða íbúum Húnabyggðar í heimsókn á föstudaginn og bjóða upp á súpu í leiðinni. Gamlir nemendur og starfsmenn Húnavallaskóla eru boðnir sérstaklega velkomnir.Meira -
Sauma nú myndir úr Vatnsdælureflinum
feykir.is Austur-Húnavatnssýsla 15.05.2025 kl. 10.17Á vef Húnabyggðar er sagt frá hefðarkonum sem komu saman í kvennaskólanum á Blönduósi í gær. Nú þegar lokið hefur verið við sum á Vatnsdælureflinum eru þær aftur sestar við saum og hafa hafist handa við að sauma út myndir úr Vatnsdælureflinum sem seldar verða seinna í sumar þegar refilinn verður sýndur.Meira
