S listi telur rekstur Blönduósbæjar hafa farið úr böndunum
Húni segir frá því að á fundi bæjarstjórnar Blönduósbæjar í gær fór fram síðari umræða um fjárhagsáætlun 2011. Áætlunin gerir ráð fyrir að tekjur verði nánast óbreyttar en að rekstrarkostnaður verði svipaður og árið 2009 og lækki um 7% frá yfirstandandi ár. Gert er ráð fyrir að rekstrarniðurstaðan verði neikvæð um 7,5 milljónir króna samanborið við 53 milljón króna neikvæða niðurstöðu í áætlun fyrir yfirstandandi ár.
Fjárhagsáætlunin gerir ráð fyrir að fjárfestingar á næsta ári verði í algjöru lágmarki og nemi um 7 milljónum króna, en þess bera að geta að fjárfestingar hafi verið gríðarlegar á síðustu þremur árum og nema þær yfir 600 milljónum króna.
Í bókun frá L-listanum kemur fram að fjárhagsáætlunin hafi verið unnin af bæjarráði í góðri samvinnu meiri- og minnihluta. Sérstaklega hafi verið horft til þess að ná niður rekstrarkostnaði sem hafi vaxið frá árinu 2009 og lögð hafi verið áhersla á að viðhalda áfram góðri þjónustu við íbúa bæjarins. Þar segir einnig að fjárhagsáætlunin beri það með sér að sveitarfélagið búi að styrkum rekstri og stoðir þess séu traustar. Næstu ár verði nýtt til að lækka skuldir og búa í haginn fyrir framtíðina.
Í bókun frá S-listanum segir að rekstur Blönduósbæjar hafi farið úr böndunum á undanförnum árum. Þrátt fyrir að enn liggi ekki fyrir lokauppgjör vegna sundlaugarbyggingar megi gera ráð fyrir að framkvæmdir hafi farið vel á annað hundrað milljónir fram úr áætlun. Fyrir vikið verði skuldastaðan verri.
Í bókun S-listans segir einnig að í fjárhagsáætlun 2011 séu lögð drög að því að takast á við þennan veruleika þó margt sé eftir að gera áður en endanlegar útfærslur verði ljósar. Á komandi mánuðum muni S-listinn beita sér fyrir því að hagræðing og niðurskurður bitni ekki frekar á barnafólki og tekjulágum en orðið er.
Fjárhagsáætlunin var samþykkt með sjö atkvæðum samhljóða
Fleiri fréttir
-
Myndaveisla úr Síkinu í boði Sigurðar Inga
feykir.is Skagafjörður, Íþróttir, Ljósmyndavefur 15.05.2025 kl. 14.35Af því að lífið er körfubolti - ekki saltfiskur (sem betur fer) – þá er rétt að bjóða lesendum Feykis upp á aðeins meira af leiknum í gær. Sigurður Ingi ljósmyndari var að sjálfsögðu í Síkinu og Feykir fékk að velja 20 frábærar myndir í góða myndamöppu til birtingar.Meira -
Síðasta sýningin í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 15.05.2025 kl. 14.22Nú er síðasti séns að sjá Flæktur í netinu hjá Leikfélaginu á Sauðárkróki, því nú er komið að lokum.Meira -
Brosandi hér, brosandi þar, brosandi í gegnum öldurnar!
feykir.is Skagafjörður, Íþróttir, Lokað efni 15.05.2025 kl. 12.00Það var hátíðardagur á Króknum í gær, enda þriðji í úrslitakeppni sem ætti auðvitað að vera opinber frídagur í Firðinum fagra. Þar sem sól skein í heiði, hitinn nartaði í rassinn á sköflum í efstu skörðum og golan rétt dugði til að hreyfa við Tindastólsfánunum á Króknum þá var dúndur- og gleðistemning upp við Síki löngu áður en hleypt var inn í hús. Og leikurinn? Jú, sömu töfrarnir innanhúss og utan og úrslitin eins og við viljum hafa þau. Stólasigur 110-97 eftir hörkuleik.Meira -
Diddi Frissa nýr rekstraraðili á Húnavöllum
feykir.is Austur-Húnavatnssýsla 15.05.2025 kl. 10.50Nýr rekstraraðili, Diddi Frissa, hefur tekið við á Húnavöllum og er að keyra starfsemina í gang í þessum skrifuðu orðum. Didda langar að bjóða íbúum Húnabyggðar í heimsókn á föstudaginn og bjóða upp á súpu í leiðinni. Gamlir nemendur og starfsmenn Húnavallaskóla eru boðnir sérstaklega velkomnir.Meira -
Sauma nú myndir úr Vatnsdælureflinum
feykir.is Austur-Húnavatnssýsla 15.05.2025 kl. 10.17Á vef Húnabyggðar er sagt frá hefðarkonum sem komu saman í kvennaskólanum á Blönduósi í gær. Nú þegar lokið hefur verið við sum á Vatnsdælureflinum eru þær aftur sestar við saum og hafa hafist handa við að sauma út myndir úr Vatnsdælureflinum sem seldar verða seinna í sumar þegar refilinn verður sýndur.Meira
