Sæluvika Skagafirðinga hefst á morgun
Sæluvika Skagfirðinga, ein elsta lista- og menningarhátíð landsins, verður formlega sett á morgun sunnudaginn 28. apríl kl. 14 í Safnahúsi Skagfirðinga, og stendur hún til 5. maí nk. Dagskráin er bæði metnaðarfull og glæsileg, segir á heimasíðu Svf. Skagafjarðar en meðal þeirra viðburða sem fara fram á Sæluviku eru ljósmyndasýningar, myndlistasýningar, leiksýningar, kvikmyndasýningar, dansleikir og að sjálfsögðu mun söngurinn skipa veglegan sess.
„Leikfélag Sauðárkróks sýnir að þessu sinni verkið Tifar tímans hjól sem er nýtt verk eftir Guðbrand Ægi Ásbjörnsson og Árna Gunnarsson og byggir á lögum eftir Geirmund Valtýsson sveiflukóng. Í Safnahúsinu verður yfirlit ljósmynda Kristjáns C. Magnússonar verslunarmanns af mannlífinu á Sauðárkróki frá um 1930-1965. Sönglög í Sæluviku, stórtónleikar með fjölda skagfirskra listamanna, verða flutt í Miðgarði en þar fer einnig fram árlegt kóramót Rökkurkórsins og Karlakórsins Heimis og að þessu sinni verða með þeim Skólakór Árskóla og Sellóhljómsveit St. Pétursborgar frá Rússlandi. Kirkjukvöldið verður á sínum stað í Sauðárkrókskirkju á mánudagskvöldinu í Sæluviku.
Af öðrum viðburðum má nefna frumsýningu nýrrar sjónvarpsmyndar eftir Árna Gunnarsson, stuttmyndasýningu og lifandi tónlist í Aðalgötu 26, opinn dag hjá Skotfélaginu Ósmanni, stórsýninguna Tekið til kostanna í reiðhöllinni Svaðastöðum, opið hús í Maddömukoti, fjölbreyttar kvikmyndasýningar, 1. maí hátíðarhöld, listahátíð barnanna, menningardagskrá í Sauðárkróksbakarí, Sæluvikumót í fótbolta, sýninguna Æskan og hesturinn, opnun upplýsinga-, fræðslu- og menningarmiðstöðvar í Gallerí Lafleur, opið hús hjá brugghúsinu Gæðingi í Útvík, fiskisælu í Ljósheimum, vortónleika Tónlistarskóla Skagafjarðar, myndlistarsýningu myndlistarfélagsins Sólons, sýningu á leikritinu Ástarsögu úr fjöllunum, o.fl. o.fl.
Það er því ljóst að allir eiga að finna fjölbreytta viðburði við sitt hæfi í dagskrá Sæluvikunnar. Gleðilega Sæluviku!,“ segir á Skagafjörður.is.
Hægt er að nálgast Sæluvikudagskrána HÉR
Fleiri fréttir
-
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira -
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira
