Sala og sýnileiki í Miðgarði á morgun
Fræðslufundir - Kynning fyrir aðila í ferðaþjónustu - miðvikudaginn 6.maí kl 17.00 í Menningarhúsinu Miðgarði, Varmahlíð, EFRI HÆÐ - ókeypis en óskað eftir skráningu!
Ferðatæknifyrirtækin Godo og Keeps taka höndum saman og standa fyrir fræðsluviðburðum víðs vegar um landið fyrir aðila í ferðaþjónustu.
Þema viðburðanna er sala og sýnileiki, með áherslu á einfaldar og hagnýtar leiðir til að ná betri árangri.
Á fundunum munum við meðal annars fara yfir:
- hvernig hægt er að auka beinar bókanir
- hvernig þú getur styrkt sýnileika þinn og náð til fleiri viðskiptavina
- hvað er að skila árangri í dag hjá fyrirtækjum í greininni
Fundirnir eru sérstaklega ætlaðir eigendum og rekstraraðilum í ferðaþjónustu sem vilja fá hugmyndir, ráð og innsýn sem nýtast í daglegum rekstri.
Hver fundur er um 1,5 klukkustundir:
- 30–40 mínútur af erindum
- opnar umræður, spurningar og tengslamyndun í lokin
Markmiðið er einfalt: Að þú farir heim með að minnsta kosti eina hugmynd sem þú getur nýtt strax. Fundirnir eru ókeypis og opnir öllum áhugasömum í ferðaþjónustu.
Skráning er nauðsynleg.
Hér er kjörið fyrir tækifæri fyrir ferðaþjónustu fyrirtæki á Norðurlandi að afla sér frekari þekkingar. Það má geta þessa samskonar fundur verður í Búðardal 7.maí sem gæti t,d nýst Húnvetningum. /hmj.
Fleiri fréttir
-
Jæja bara – er ekki kominn tími til að gefa íslensku séns? | Eliza Reid skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 05.05.2026 kl. 09.39Áður en ég fluttist til Íslands árið 2003 hafði ég verið að æfa mig í tungumálinu með geisladiski þar sem ég lærði gagnlega frasa eins og „hvar er lestarstöðin?“ og „einhver hefur stolið vegabréfinu mínu!“. Þegar ég fór að reyna að auka orðaforða minn og gera hann hagnýtari lærði ég einföld orð sem margir móðurmálshafar nota til að staðfesta skilning eða fylla upp í þagnir, svo sem er það?, nú í alvöru, hérna, já á innsoginu, og auðvitað jæja.Meira -
Það er vorhret á glugga
feykir.is Skagafjörður, Austur-Húnavatnssýsla, Vestur-Húnavatnssýsla 05.05.2026 kl. 09.22Það var víða hvít jörð í morgun þegar Norðlendingar þurrkuðu stírurnar úr augunum. Það átti svo sem ekki að koma neinum á óvart enda veðurspár í nokkurn tíma búnar að gera ráð fyrir kaldri viku og já, jafnvel snjókomu. Veðurstofan gerir ráð fyrir að það verði þungt yfir í dag og slydda af og til á Norðurlandi vestra en reiknað er með ágætu veðri á morgun, oddaleiksdeginum, þó áfram verði hiti rétt yfir frostmarki.Meira -
Leitað að uppbyggingarverkefnum í ferðaþjónustu í Skagafirði
feykir.is Skagafjörður 04.05.2026 kl. 15.41Auglýst er eftir uppbyggingarverkefnum í ferðaþjónustu til að setja á forgangslista Skagafjarðar fyrir Áfangastaðaáætlun Norðurlands (DMP). Þau verkefni sem eru á forgangslista Skagafjarðar fá auka stig við mat á umsóknum í Framkvæmdasjóð ferðamannastaða, sem opnað verður fyrir í haust.Meira -
Skagafjörður til framtíðar – samfélag sem sækir fram | Sigurður Bjarni Rafnsson skrifar
feykir.is Skagafjörður, Aðsendar greinar 04.05.2026 kl. 13.20Skagafjörður hefur alla burði til að vera eitt öflugasta og eftirsóknarverðasta samfélag landsins. Hér er sterkur grunnur – öflugt atvinnulíf, rík menning og samheldið samfélag. En framtíðin ræðst af því hvort við veljum að sækja fram eða standa í stað.Meira
