Það er vorhret á glugga
Það var víða hvít jörð í morgun þegar Norðlendingar þurrkuðu stírurnar úr augunum. Það átti svo sem ekki að koma neinum á óvart enda veðurspár í nokkurn tíma búnar að gera ráð fyrir kaldri viku og já, jafnvel snjókomu. Veðurstofan gerir ráð fyrir að það verði þungt yfir í dag og slydda af og til á Norðurlandi vestra en reiknað er með ágætu veðri á morgun, oddaleiksdeginum, þó áfram verði hiti rétt yfir frostmarki.
Það virðist sem svo að minna hafi orðið úr snjókomunni inn til lands og snjór hafi því frekar fallið við ströndina. Þannig er greiðfært um Blönduhlíð og Norðurárdal sem og yfir Öxnadalsheiði og Vatnsskarð á meðan það er hvít jörð í Sléttuhlíð og snjór og krap á vegi, hálka á Þverárfjalli og Holtavörðuheiði og hálkublettir á þjóðvegi 1 í Vestur-Húnavatnssýslu. Þar sem flestir ættu nú að vera komnir með sumardekkin undir þá er vissara að fara að öllu með gát við þessar aðstæður.
En svo við víkjum aftur að veðrinu þá er útlit fyrir að það létti til þegar líður á kvöldið og úrkomubakkar hafi sig á brott. Bjart verður yfir á morgun, miðvikudag, og svipað veður fram að helgi, hæg norðan eða norðaustanátt og hiti um frostmark. Svipað veður um helgina og hann gæti reyndar smellt á okkur nokkrum éljabökkum.
Fleiri fréttir
-
Jæja bara – er ekki kominn tími til að gefa íslensku séns? | Eliza Reid skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 05.05.2026 kl. 09.39Áður en ég fluttist til Íslands árið 2003 hafði ég verið að æfa mig í tungumálinu með geisladiski þar sem ég lærði gagnlega frasa eins og „hvar er lestarstöðin?“ og „einhver hefur stolið vegabréfinu mínu!“. Þegar ég fór að reyna að auka orðaforða minn og gera hann hagnýtari lærði ég einföld orð sem margir móðurmálshafar nota til að staðfesta skilning eða fylla upp í þagnir, svo sem er það?, nú í alvöru, hérna, já á innsoginu, og auðvitað jæja.Meira -
Leitað að uppbyggingarverkefnum í ferðaþjónustu í Skagafirði
feykir.is Skagafjörður 04.05.2026 kl. 15.41Auglýst er eftir uppbyggingarverkefnum í ferðaþjónustu til að setja á forgangslista Skagafjarðar fyrir Áfangastaðaáætlun Norðurlands (DMP). Þau verkefni sem eru á forgangslista Skagafjarðar fá auka stig við mat á umsóknum í Framkvæmdasjóð ferðamannastaða, sem opnað verður fyrir í haust.Meira -
Skagafjörður til framtíðar – samfélag sem sækir fram | Sigurður Bjarni Rafnsson skrifar
feykir.is Skagafjörður, Aðsendar greinar 04.05.2026 kl. 13.20Skagafjörður hefur alla burði til að vera eitt öflugasta og eftirsóknarverðasta samfélag landsins. Hér er sterkur grunnur – öflugt atvinnulíf, rík menning og samheldið samfélag. En framtíðin ræðst af því hvort við veljum að sækja fram eða standa í stað.Meira -
Fiðringur á Norðurlandi fagnar 5 ára afmæli
feykir.is Skagafjörður, Austur-Húnavatnssýsla, Vestur-Húnavatnssýsla 04.05.2026 kl. 13.09Í ár taka tíu grunnskólar af Norðurlandi þátt í sviðslistarviðburðinum Fiðringi á Norðurlandi sem haldinn verður í Hofi á Akureyri þann 6. maí. Varmahlíðarskóli tekur nú þátt í fyrsta sinn, og stefnan er að virkja alla grunnskóla á svæðinu frá Borðeyri til Bakkafjarðar.Meira
