Samanburðarrannsókn á heilsu og líðan Skagfirðinga og Sunnlendinga
Rannsókn á heilsufarslegum afleiðingum eldgossins í Eyjafjallajökli stendur yfir og er samanburðarrannsókn á heilsu og líðan íbúa í sveitarfélaginu Skagafirði hluti af því verkefni. Ástæða þess að Skagafjörður varð fyrir valinu er sú að svæðið er landbúnaðarhérað þar sem beinna áhrifa eldgossins gætti ekki. Samanburður milli þeirra sem urðu fyrir beinum áhrifum eldgossins og hinna sem búa fjarri gosstöðvunum ætti því að verða áhugaverður.
Gagnasöfnun meðal tæplega 2000 íbúa á Suðurlandi er langt komin og nú er komið að Skagfirðingum. Á næstu dögum mun ákveðinn hópur Skagfirðinga, á aldrinum 18 til 80 ára, fá kynningarbréf þar sem rannsóknin er kynnt. Bréfinu verður síðan fylgt eftir með símtali þar sem fólk er beðið um að velja á milli þess hvort það vill fá spurningalista sendan á rafrænu formi eða með bréfpósti. Mikilvægt er að sem flestir þeirra sem leitað verður til taki þátt til þess að samanburðurinn verði marktækur.
Einstakt tækifæri til að kanna áhrif eldgoss
Rannsóknin getur skilað mikilvægum upplýsingum um áhrif eldgosa á heilsu manna meðal annars um andlega líðan þess að upplifa eldgos í návígi við heimili sitt og að vera útsettur fyrir ösku af því tagi sem Eyjafjallajökull sendi frá sér.
Þrátt fyrir að um tíundi hluti mannkyns búi innan við 100 km frá virku eldfjalli er þekking á þessu sviði takmörkuð, þar sem eldgos verða sjaldan í löndum með sterka innviði er geta staðið að ítarlegum rannsóknum. Hér geta Íslendingar lagt sitt af mörkum til alþjóðasamfélagsins og er brýnt að sem flestir takir þátt í rannsókninni sem styrkt er af ríkisstjórn Íslands.
Ábyrgðarmaður rannsóknarinnar er dr. Guðrún Pétursdóttir framkvæmdastjóri Stofnunar Sæmundar fróða við Háskóla Íslands og verkefnastjóri gagnaöflunar er Hildur Friðriksdóttir. Fjölmargir vísindamenn standa að rannsókninni. Meðal þeirra eru Unnur Valdimarsdóttir forstöðumaður Miðstöðvar í lýðheilsuvísindum við Háskóla Íslands, Arna Hauksdóttir og Hanne Krage Carlsen frá Miðstöð í lýðheilsuvísindum, Þórir Björn Kolbeinsson yfirlæknir á Heilbrigðisstofnun Suðurlands, Þórarinn Gíslason yfirlæknir á lungnadeildar Landspítala, Sigurður Guðmundsson forseti heilbrigðisvísindasviðs Háskóla Íslands, Haraldur Briem sóttvarnarlæknir, Berglind Guðmundsdóttir sálfræðingur við Landspítala, Þröstur Þorseinsson sérfræðingur við jarðvísindadeild Háskóla Íslands, Gunnlaug Einarsdóttir sviðsstjóri hjá Umhverfisstofnun og Halldór Runólfsson yfirdýralæknir.
Fleiri fréttir
-
Framkvæmdir við Vatnsdalsveg dragast saman
feykir.is Austur-Húnavatnssýsla, Lokað efni 21.07.2025 kl. 12.22Vegagerðin hefur ákveðið breytingar á framkvæmdum við Vatnsdalsveg. Upphaflega var áætlað að endurbyggja samtals 14,9 kílómetra kafla frá Hringvegi og suður að afleggjara að Undirfellsrétt en síðar var ákveðið að stytta framkvæmdakaflann niður í 13 kílómetra. Nú áformar Vegagerðin að kaflinn verði níu kílómetrar og er ástæðan sögð verða boð um niðurskurð hjá stofnuninni. Byggðarráð Húnabyggðar mótmælir þessari ákvörðun harðlega og krefst svara frá Vegagerðinni og ráðherra samgöngumála.Meira -
Þurfum ekki neitt
feykir.is Skagafjörður, Listir og menning 21.07.2025 kl. 10.45Í sumar hafa Una Torfa og Hafsteinn Þráinsson, einnig þekktur sem CeaseTone, verið á músíkkölsku ferðalagi. Parið hefur marga músíkfjöruna sopið, þau hafa flakkað um landið og flutt lög í stórum sölum og litlum kirkjum, fyrir fólk á öllum aldri á blíðviðriskvöldum og í óveðri. Núna er komið að Sauðárkrókskirkju í kvöld,21 júli, kl: 20.00Meira -
Frímann og Stjarni
feykir.is Skagafjörður, Hestar, Lokað efni 20.07.2025 kl. 19.00Hér hefur göngu sína nýr þáttur í Feyki en hann nefnist: Sögur af mönnum og hestum. Umsjón hefur Hinrik Már. Það er Eiríkur Jónsson frá Dýrfinnustöðum, nú Óðalsbóndi í Svíþjóð, sem segir hér frá Frímanni á Syðri-Brekkum og hesti hans Stjarna.Meira -
Austfirðingar fengu á baukinn á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 20.07.2025 kl. 11.58Lið Kormáks/Hvatar fékk Austfirðinga í heimsókn á Blönduós í gærdag. Húnvetningar áttu harma að hefna eftir að lið KFA fór vægast sagt illa með gesti sína í fyrstu umferð 2. deildar og vann leikinn 8-1. Leikurinn í gær var um margt líkur fyrri leiknum nema nú voru liðsmenn KFA sem fóru hnípnir heim með skottið á milli lappanna eftir 5-1 tap.Meira -
Húnvetningar dansa á Spáni
feykir.is Austur-Húnavatnssýsla, Íþróttir, Vestur-Húnavatnssýsla, Listir og menning, Lokað efni 20.07.2025 kl. 10.30Eins og Feykir hefur sagt frá áður þá fór góður hópur af húnvetnskum krökkum til Spánar að keppa í dansi og eru þau nýkomin heim úr þeirri ferð. Feykir hafði samband við eina úr hópnum, Íseyju Waage sem á heima í Skálholtsvík í Húnaþingi vestra og spurði hana út í þetta ævintýri.Meira
