Sameining Bæjarhrepps og Húnaþings vestra samþykkt í dag
Gengið var til kosninga um sameiningu Bæjarhrepps og Húnaþing vestra í eitt sveitarfélag og var niðurstaðan sú að hún var samþykkt með nokkrum yfirburðum. Sveitarfélögin hafa átt í samstarfi í mörgum málum sem hafa gengið vel fyrir sig.
- Alls kusu 323 í Húnaþingi vestra
- Já sögðu: 271 eða 83,9%
- Nei sögðu: 50 eða 15,4%
- Auðir og ógildir voru 2 eða 0.7%
- Alls kusu 61 í Bæjarhreppi
- Já sögðu: 39 eða 63,9%
- Nei sögðu: 22 eða 36,1%
- Auðir seðlar og ógildir voru 0
Bæjarhreppur er syðsta sveitarfélagið á Ströndum og nær frá Holtavörðuheiði í botni Hrútafjarðar að Stikuhálsi milli Hrútafjarðar og Bitrufjarðar í norðri. Íbúar sveitarfélagsins voru 100 samkvæmt skráningu Þjóðskrár Íslands þann 1. desember 2010.
Húnaþing vestra er sveitarfélag við Húnaflóa. Það var stofnað 7. júní 1998 við sameiningu 7 sveitarfélaga í Vestur- Húnavatnssýslu. Sveitarfélagið einkennist af fjörðunum þremur sem þar eru: Hrútafirði í vestri, Miðfirði og Húnafirði í austri. Íbúar sveitarfélagsins voru 1.120 samkvæmt skráningu Þjóðskrár Íslands þann 1. desember 2010.
HÉR er hægt að nálgast skýrslu sem KPMG gerði fyrir sameiningarnefnd Húnaþings vestra og Bæjarhrepps til að aðstoða við gerð greinargerðar og kynningar á fyrirhugaðri sameiningu sveitarfélaganna tveggja.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
