Sameiningarviðræður líklega teknar upp á ný á næstunni
Nú hafa tvær af fjórum sveitarstjórnum í Austur-Húnavatnssýslu tilnefnt fulltrúa í sameiningarnefnd sveitarfélaga í sýslunni og eru því líkur á að sameiningarviðræður verði teknar upp að nýju á næstunni en hlé var gert á þeim fyrir sveitarstjórnarkosningar sl. vor. Eru það hreppsnefnd Skagabyggðar og sveitarstjórn Blönduósbæjar en málið hefur ekki verið tekið fyrir hjá sveitarstjórnum hinna tveggja sveitarfélaganna.
Hreppsnefnd Skagabyggðar kaus á fundi sínum þann 8.júní sl.sem fulltrúa sína í nefndina þau Dagnýju Rósu Úlfarsdóttur, Magnús Björnsson og Karen Helgu Steinsdóttur sem kemur ný inn í stað Vignis Sveinssonar, fráfarandi oddvita hreppsins. Á fundi sveitarstjórnar Blönduósbæjar í gær var samþykkt samhljóða að halda áfram þátttöku í sameiningarviðræðunum og voru þau Guðmundur Haukur Jakobsson og Birna Ágústsdóttir tilnefnd sem aðafulltrúar í stað Valgarðs Hilmarssonar og Harðar Ríkharðssonar. Einnig mun Valdimar O. Hermannsson, sveitarstjóri Blönduósbæjar, sitja í nefndinni.
Í fréttum Ríkisútvarpsins í dag var rætt við Valdimar O. Hermannsson. „Ég hef ekki heyrt neitt annað en að það sé hugur um að halda áfram,“ segir hann. „Ég er mikill sameiningarsinni og vil efla sveitarstjórnarstigið. Það verður ekki gert öðruvísi en með sameiningum,“ segir hann. Einnig var rætt við Dagnýju Rósu Úlfarsdóttur sem segir vilja fyrir að halda viðræðunum áfram og þó skoðanir séu skiptar meðal íbúa sé æskilegt að ljúka þeim.
Þá segir Jón Gíslason, oddviti Húnavatnshrepps, í samtali við fréttastofu RÚV að sveitarstjórn Húnavatnshrepps hafi ekki rætt málið formlega en ætlunin sé að funda í næstu viku. Þá verði málið tekið fyrir og líklegt sé að tilnefndir verði fulltrúar í nefndina. Jón segir það liggja nokkurn veginn fyrir að sveitarstjórn vilji halda áfram viðræðum. Oddviti Skagastrandar, Halldór G. Ólafsson telur einnig að þar sé vilji fyrir áframhaldandi viðræður um sameiningu sé miðað við stefnuskrár framboða fyrir sveitarstjórnarkosningar. „Ég á ekki von á öðru en að það verði látið gerast og fólk fái að kjósa um þá valkosti sem í boði verða,“ segir Halldór í viðtali við fréttastofu Ríkisútvarpsins.
Fleiri fréttir
-
Setning Sæluviku Skagfirðinga 2025 og endurgerð Faxa | Einar E. Einarsson skrifar
feykir.is Skagafjörður, Aðsendar greinar 28.04.2025 kl. 10.25Ég vil byrja á að óska ykkur öllum gleðilegs sumars á þessum fallega degi sem jafnframt er síðasti sunnudagur aprílmánaðar, en hann hefur verið upphafsdagur Sæluviku Skagfirðinga í um 30 ár. Sæluvika Skagfirðinga á sér hins vegar mun lengri sögu, en heimildir herma að Sæluvikan hafi orðið til í framhaldi af svokölluðum sýslunefndarfundum sem haldnir voru einu sinni á ári með Sýslumanni og helstu forsvarsmönnum allra hreppa í Skagafirði.Meira -
Forsætisráðherra heimsækir Skagafjörð
feykir.is Skagafjörður, Mannlíf 28.04.2025 kl. 02.41Kristrún Frostadóttir forsætisráðherra býður til opins fundar í Skagafirði mánudaginn 28. apríl. Ráðherra verður einnig með erindi á kirkjukvöldi á Sauðárkróki sama dag í tilefni Sæluviku. „Það hefur gefið mér mikið síðustu misseri að halda opna fundi með fólki um allt land og ég vil halda því áfram eins og ég get í nýju embætti. Ég hlakka til að koma í Skagafjörðinn og eiga opið og milliliðalaust samtal um það sem brennur helst á heimamönnum,“ segir Kristrún.Meira -
Þungur hnífur á Sauðárkróksvelli
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 23.12Það er oft stutt á milli hláturs og gráturs og það á ekki síst við í sportinu. Lið Tindastóls og Stjörnunnar mættust í Bestu deild kvenna á Sauðárkróksvelli í dag og allt stefndi í stórgóðan sigur Stóalstúlkna þegar allt fór í skrúfuna. Það þýðir oft lítið að nöldra undan óheppni í íþróttum en lið Tindastóls var annan leikinn í röð aðeins mínútum frá góðum úrslitum. Garðbæingar rændu stigunum í blálokin með tveimur mörkum, unnu heimastúlkur 1-2.Meira -
Sæluvikan sett og Faxi afhjúpaður á ný
feykir.is Skagafjörður, Listir og menning, Mannlíf, Lokað efni 27.04.2025 kl. 20.20Sæluvika Skagfirðinga var sett við hátíðlega athöfn á Sauðárkróki í dag. Gestir voru flestir mættir tímanlega fyrir kl. 13 eins auglýst hafði verið og voru umsvifalsust sjanghæjaðir út á Faxatorg í ískalt þokuloftið þar sem draugalegur Faxi beið þess að verða afhjúpaðir enn og aftur. Einar E. Einarsson, forseti sveitarstjórnar Skagafjarðar, flutti þar ágæta setningarræðu Sæluviku, sagði síðan nýjustu fréttir af Faxa og sýndi loks lipra takta við að færa listaverkið okkar góða úr plastklæðunum. Eftir stóð Faxi bronshjúpaður á nýjum stalli og hefur sennilega aldrei verið ferskari.Meira -
María og Sigurður hlutu Samfélagsverðlaun Skagafjarðar
feykir.is Skagafjörður, Listir og menning, Mannlíf, Lokað efni 27.04.2025 kl. 19.16Við setningu Sæluviku Skagfirðinga í dag kynnti Hrefna Jóhannesdóttir frá Silfrastöðum og varaformaður atvinnu-, menningar- og kynningarnefndar Skagafjarðar val á þeim sem hlutu Samfélagsverðlaun Skagafjarðar 2025 en þetta var í tíunda sinn sem verðlaunin eru afhent. Þau komu nú í hlut heiðurshjónanna Maríu Guðmundsdóttur og Sigurðar Hansen frá Kringlumýri í Blönduhlíð og eru þau sannarlega vel að heiðrinum komin.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.