Samstarfsverkefni sveitarfélaganna í Óðinsvéum og Skagafirði
Síðastliðið haust fengu sveitarfélag Óðinsvéa og Sveitarfélagsins Skagafjarðar úthlutað styrk úr sjóði Menntaáætlunar Evrópusambandsins til Comenius Regio samstarfsverkefnis.
Verkefnið snýr að skólaskilum á milli leik – og grunnskóla. Tveir leik – og tveir grunnskólar í Skagafirði taka þátt í verkefninu, Ársalir, Birkilundur, Árskóli og Varmahlíðarskóli. Sami fjöldi skóla tekur þátt í verkefninu í Óðinsvéum. Stýrihópur verkefnisins fundaði nú í vikunni í Skagafirði. Hingað komu þrír starfsmenn háskólans Lillebælt og tveir starfsmenn frá fræðsluþjónustu Óðinsvéa.
Þátttökuskólarnir hér voru allir sóttir heim. M.a. voru gestirnir viðstaddir skólaslit í Varmahlíðarskóla, skoðuðu nýbyggingu Árskóla og fylgdust með starfi í Ársölum og Birkilundi. Anna Steinunn Friðriksdóttir, deildarstjóri í Árskóla, flutti erindi um skóla án aðgreiningar fyrir stýrihópinn og þótti gestunum afar áhugavert að heyra um og sjá hvernig skólarnir hér vinna samkæmt þeirri hugmyndafræði. Gestirnir fóru einnig í skoðunarferðir um fjörðinn á milli þess sem fundað var um verkefnið og drög lögð að verkefnum næsta skólaárs.
Í maí á næsta ári mun lokaráðstefna verkefnisins fara fram hér í Skagafirði þar sem tveir þátttakendur úr hverjum skóla, bæði frá Skagafirði og jafnmörgum skólum frá Óðinsvéum, auk stýrihópsins munu taka þátt.
Fleiri fréttir
-
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira -
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira
