Sátu fastir í skafli á Kjalvegi
Björgunarfélagið Blanda á Blönduósi var kallað út rétt rúmlega þrjú í nótt vegna bíls sem var fastur á Kjalvegi rétt norðan við Hveravelli. Að sögn Sigfúsar Heiðars Árdal, formanns Björgunarfélagsins Blöndu, var lélegt samband við ferðalangana og ekki vitað hver nákvæm staðsetning þeirra var.
„Þetta var ekki alveg útkallið sem við reiknuðum með, við vorum tilbúnir í að fara negla plötur eða eitthvað slíkt en þetta kom okkur svolítið á óvart,“ sagði Sigfús Heiðar í samtali við Feyki.
Ferðamennirnir, tveir karlmenn frá Sviss, höfðu haft samband við Neyðarlínuna en svo hafði sambandið ítrekað slitnað og því var ekki vitað í fyrstu um nákvæma staðsetningu eða hvað hafði komið fyrir.
Sigfús segir að góð færð hafi verið á leiðinni til ferðalanganna, svo gott sem auðir vegir, en það hafi verið hífandi rok, 25 m/sek og yfir 30 m/sek í hviðum.
Þegar björgunarsveitarmenn komu á staðinn sáu þeir bifreið ferðalanganna, sem var fólksbíl af gerðinni Renault Mégane, fastan í fyrsta skafli. „Þá höfðu ferðamennirnir farið út fyrir veginn, eftir mel, til að komast aðeins lengra. Við spurðum þá hvort þeim hafi ekki dottið í hug að snúa strax við en þeir svöruðu því neitandi. Þeir ætluðu að fara til Reykjavíkur.“
Mennirnir voru á leið til Reykjavíkur frá Akureyri og vissu ekki betur en hægt væri að fara Kjalveg að vetri til en Kjalvegur er lokaður yfir vetrartímann líkt og aðrir hálendisvegir.
Skömmu eftir að björgunarsveitarmenn höfðu losað ferðamennina og voru að fylgja þeim aftur til byggða skellur á ofsaveður, með blindbyl og skafrenningi. Skyggni var nánast ekkert og fóru þeir fetið á heimleið, um 3-4 km/klst.
Blessunarlega skall bylurinn ekki á þegar ferðamennirnir voru að ganga til og frá bílnum í leit að símasambandi því þeir þurftu að fara um 7-800 metra frá bílnum. Að sögn Sigfúsar Heiðars er ekki víst að þeir hefðu haft sig tilbaka að bílnum í hríðinni.
Þegar björgunarsveitarmenn sögðu skilið við ferðamennina á Blönduósi um kl. 8:30 í morgun voru þeir afar þakklátir fyrir svo giftusamlega björgun.
Að öðru leyti voru engin útköll hjá Björgunarfélaginu Blöndu og hafði lögreglan á Blönduósi sömu sögu að segja um nóttina í sínu umdæmi.
Fleiri fréttir
-
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira
