Sauðfjárræktarsamningurinn verstur fyrir jaðarbyggðir
Mikil óánægja er meðal sauðfjárbænda í Húnaþingi vestra, á Ströndum og Vestfjörðum með búvörusamninginn sem nú liggur fyrir til staðfestingar. Ráðgjafamiðstöð landbúnaðarins hefur áætlað með samningnum verði tekjur sauðfjárbænda á Ströndum og í Ísafjarðarsýslum skertar um 20 prósent. RÚV.is greinir frá.
Samkvæmt frétt RÚV. is segja sauðfjárbændur að með samningnum sé fé dregið frá þeim bændum sem hafa sauðfjárrækt sem aðalbúgrein og fært til hinna sem hafa minni sauðfjárbú, oftast sem hliðargrein með öðrum landbúnaði, svo sem kúabúskap.
Rætt er við Jóhann Ragnarsson, sauðfjárbónda í Laxárdal III við Hrútafjörð, en hann staðfestir að megn óánægja sé ríkjandi og kveðst raunar engan bónda þekkja í Strandasýslu, sem ætli að greiða atkvæði með samningnum. Hann segir að samningurinn sé verstur fyrir jaðarbyggðir og segist ekki skilja hvernig samningurinn eins og hann liggur nú fyrir geti styrkt þær byggðir eins og yfirlýst markmið er. Þá segir hann að ekki verði heldur séð hvernig samningurinn stuðli að nýliðun í greininni sem, sem er þó yfirlýst markmið.
Með samningnum sé jafnframt verið að færa fjármuni frá þeim bændum sem hafi fjárfest í greiðslumarki undanfarin ár. Þetta bitni verst á Vestfjörðum, Ströndum, Húnavatnssýslum og Norður Þingeyjarsýslum.
Loks segir í frétt RÚV að í sameiginlegri ályktun sauðfjárræktarfélaga á Vestfjörðum og Ströndum segir að afleiðingin verði sú að stuðningurinn færist frá byggðum þar sem sauðfjárrækt er stunduð sem aðalbúgrein til suðvesturhornsins. Þar sé sauðfjárræktin í mun meiri mæli aukabúgrein. Frá umhverfislegu tilliti sé þetta einnig slæmt, samningurinn hvetji til aukningar framleiðslu á svæðum þar sem land er hvað viðkvæmast fyrir beit.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
