Seldu hamborgara fyrir milljón
Það var hamagangur í öskjunni í gær þegar 424 hamborgarar voru afgreiddir með stæl á Hard Wok Cafe á Sauðárkróki en vertinn, Árni Björn Björnsson, ákvað að styrkja kvennalið Tindastóls um allan ágóða sölunnar, rúmar milljón krónur. Leikmenn liðsins sáu um afgreiðslu, útkeyrslu og aðstoð í eldhúsi og í sal.
„Það var algjörlega frábært að vinna með stelpunum, skipulagið og dugnaðurinn til fyrirmyndar. Það er ekkert skrýtið við þennan árangur á vellinum,“ skrifar Árni Björn á FB-síðu veitingarstaðar síns. Þar þakkar hann einnig samstarfsfólki sínu og byrgjum; Ekran, Coka Cola, OJK, KS samlagi og Papco og síðast en ekki síst viðskiptavinum.
Bryndís Rut Haraldsdóttir, fyrirliði Tindastóls, var í skýjunum er Feykir hafði samband eftir ánægjulegt kvöld. Sagði hún söluna hafa gengið vonum framar. „Við seldum meira en maður átti von á og alveg magnað hvað þetta gekk vel. Við stelpurnar vorum að taka við pöntunum í síma, afgreiða og keyra út hamborgurunum á meðan starfsfólkið hans Árna, ásamt honum sjálfum, græjuðu hamborgarana. Það var ótrúlega mikið að gera um kvöldið og við lentum í því að pöntunum í útkeyrslunni seinkuðu aðeins en fólk var alveg rosalega skilningsríkt og það voru bara ótrúlega góð viðbrögð sem við fengum hvort sem við vorum að keyra út eða í afgreiðslunni á Hard Wok," sagði Bryndís ánægð og bætti við:
"Afraksturinn var virkilega góður eftir þennan skemmtilega dag! Það seldust 424 hamborgarar sem þýðir 1.060.000kr sem er frábær peningur fyrir komandi tíma hjá okkur í meistaraflokki kvenna. Takk allir sem standa við bakið á okkur, frábært að finna þennan stuðning frá samfélaginu. Sérstakar þakkir frá okkur leikmönnum til Árna og hans starfsfólks á Hard Wok fyrir að græja þessa frábæru fjáröflun! Áfram Tindastól!“
Fleiri fréttir
-
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira -
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.