Selfyssingar með sanngjarnan sigur
Tindastóll mætti liði Selfoss á laugardaginn í 1. deild karla í knattspyrnu. Ekki gekk Stólunum nógu vel í leiknum og máttu lúta í lægra haldi, töpuðu 1-0.
Leikurinn var jafn framan af en heimamenn náðu yfirhöndinni þegar líða tók á fyrri hálfleik og komust yfir á 41. mínútu þegar dæmt var víti á Sigurð Hrannars markvörð Tindastóls eftir að kappinn hafði kýlt leikmann Selfoss í stað boltans. Úr vítinu skoraði Joseph Yoffe og staðan 1-0 í leikhléi.
Heimamenn sóttu meira í síðari hálfleik og sköpuðu sér nokkur ágæt færi. Þeir hefðu átt að bæta við marki um miðjan hálfleikinn en Ingvi Hrannar kom Stólunum til bjargar. Tindastólsmenn sóttu á skyndisóknum en gekk illa að skapa sér færi og fengu í raun sitt fyrsta dauðafæri í leiknum í uppbótartíma þegar Elvar Páll Sigurðsson skaut yfir af markteig eftir að boltinn barst til hans eftir þvögu í vítateignum.
„Ég er svekktur með úrslitin og okkar spilamennsku í leiknum,“ sagði Donni þjálfari í samtali við Fótbolti.net að leik loknum. „Við sköpuðum okkur ágætis stöður af og til en það er áhyggjuefni að við sköpuðum okkur of fá færi. Við vorum ekki að koma okkur í þær stöður sem við vildum koma okkur í fyrir leikinn.“
Lið Tindastóls er í áttunda sæti 1. deildar að fimm umferðum loknum og þurfa að komast á beinu brautina eftir tvo tapleiki í röð. Liðið hefur að sjálfsögðu enn ekki spilað á heimavelli (ef undan er skilinn heimaleikur í Boganum gegn Húsvíkingum) en næsti leikur er samkvæmt leikjaplani við Fjölni hér heima á föstudaginn.
Fleiri fréttir
-
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira -
Þrír laxar á land í Miðfjarðará á opnunardegi
feykir.is Vestur-Húnavatnssýsla, Lokað efni 18.06.2025 kl. 09.51Húnahornið segir frá því að laxveiðitímabilið í Miðfjarðará hófst sl. sunnudag og eftir hádegi komu þrír fyrstu laxarnir á land. Einn veiddist í Kambsfossi og hinir tveir í Austuránni. Í fyrra var Miðfjarðará næst aflahæst af laxveiðiám landsins með 2.458 laxa og aðeins Ytri-Rangá sem var með fleiri veidda laxa.Meira -
Kaflaskipt í Kaplakrika
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 09.11Kvennlaið Tindastóls hélt suður í Hafnarfjörðinn síðastliðinn mánudag en þar beið svarthvítt lið Fimleikafélags Hafnarfjarðar eftir þeim. FH-liðið hefur verið flott í sumar og náð í marga sterka sigra og eru fyrir vikið í toppbaráttu Bestu deildarinnar. Leikurinn reyndist kaflaskiptur því gestirnir bitu vel frá sér í fyrri hálfleik en sá síðari var því miður eign FH frá upphafi til enda. Lokatölur 5-1.Meira -
Önnur tilraun til að halda kynbótasýningu á Hólum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira
