Siglingaklúbburinn Drangey stækkar og dafnar
Á því rúma einu og hálfu ári sem Siglingaklúbburinn Drangey á Sauðárkróki hefur starfað hefur mikið áunnist. Unnið hefur verið markvisst að því að koma upp bátakosti og er nú svo komið að klúbburinn á eða hefur í sinni umsjá 4 optimista, 2 Topper Topaz, 2 Lasera, 5 kayaka 2 kanóa, 2 árabáta og Zodiak.
-Þarna eigum við mikið að þakka Skagafjarðarveitum og síðan Fiskiðjunni Skagfirðing ásamt fleirum. Einnig höfum við náð að koma upp grunninum að okkar aðstöðu þó nokkuð eigi eftir að vinna í henni til að hún sé komin í það ástand sem við erum sátt við, segir Hallbjörn Björnsson gjaldkeri klúbbsins.
Nú er komið að tímamótum hjá klúbbnum því félagsgjöld verða nú í fyrsta skipti innheimt af meðlimum klúbbsins og aðeins þeir sem það greiða verða skráðir félagar í framtíðinni.
Vilji er til þess hjá stjórn klúbbsins að hann sé fyrir sem flesta og er félagsgjaldið sett upp miðað við það en það er eftirfarandi:
- Fyrir 1 einstakling – 1.500 kr.
- Fyrir fjölskyldu – max 3.000.kr.
Þannig að fyrir þá sem vilja skrá alla fjölskylduna í klúbbinn þá verður kostnaðurinn aldrei hærri en 3.000 kr.
Hvað fá menn svo fyrir það að vera í klúbbnum.
-Meðlimir munu fá aðgang að klúbbhúsi og geta notað þann búnað sem kúbbnum tilheyrir, svo lengi sem öryggisstöðlum er uppfyllt og umgengni um hús og búnað er viðunandi.
Einnig munu meðlimir fá áframhaldandi ókeypis aðgang á opnunardögum (sbr. þriðjudagskvöld í sumar), en hugmyndin er að rukka fyrir aðgengi að þessu í framtíðinni, segir Hallbjörn og hvetur þá sem áhuga hafa á ganga í klúbbinn að hafa samband við hann í síma 862 2539.
Fleiri fréttir
-
Vísnakeppni Sæluviku 2025
feykir.is Skagafjörður, Listir og menning, Mannlíf, Lokað efni 04.05.2025 kl. 14.56Við setningu Sæluviku Skagfirðinga er venja að birta úrslit í árlegri vísnasamkeppni, vonandi verður hún á Sæluvikudagskránni næstu hálfa öldina amk. Markmiðið er að fá fólk til að rifja upp kynni við skáldagyðjuna, botna fyrirfram gefna fyrriparta og yrkja vísu eða vísur um ákveðið efni. Í ár er það eftirtektarverður og ógnvekjandi stjórnunarstíll forseta nokkurs vestanhafs sem er yrkisefnið. Aukning þátttöku í prósentum talið er að nálgast efri tollamörk Trömps. Bárust okkur svör frá 21 hagyrðingi undir alls 26 dulnefnum . Sumir botnuðu alla fyrriparta ásamt því að senda inn eina eða fleiri vísur, einhverjir sendu aðeins eina stöku og allt þar á milli. Hver hafði sína hentisemi með það. Úr nógu var því að moða og erfitt verk beið dómnefndar.Meira -
Þriðja eins marks tap Stólastúlkna í röð
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.52Eftir sigur í fyrstu umferð Bestu deildar kvenna hefur lið Tindastóls nú tapað þremur leikjum í röð en allir hafa leikirnir tapast með eins marks mun og liðið verið vel inni í þeim öllum. Í gær heimsóttu Stólastúlkur gott lið Þróttar sem hafði lúskrað á okkar liði í Lengjubikarnum 9-0. Eftir hálfrar mínútu leik í gær var staðan orðin 1-0 og margir óttuðust skell. Fleiri urðu mörkin hins vegar ekki og 1-0 sigur Þróttar niðurstaðan.Meira -
Erfið byrjun Húnvetninga í 2. deildinni
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.34Við skulum vona að fall sé fararheill hjá knattspyrnuliði Húnvetninga því ekki sóttu þeir gull í greipar Austfirðinga í gær. Þá öttu þeir kappi við lið KFA í Fjarðabyggðahöllinni í fyrstu umferð 2. deildar karla í knattspyrnu. Þegar upp var staðið höfðu gestgjafarnir hreinlega alls ekkert verið gestrisnir, gerðu átta mörk á meðan gestirnir gerðu eitt.Meira -
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.