Sigurður Örn Ágústsson sækist eftir 2.-4. sæti í prófkjöri Sjálfstæðisflokksins í Norðvesturkjördæmi.
Ég býð mig hér með fram í prófkjöri Sjálfstæðisflokksins í Norðvesturkjördæmi og bið um stuðning í 2.-4. sæti á lista flokksins.
Ég er menntaður grunnskólakennari og er með Executive MBA próf frá University of Pittsburgh. Auk þess að hafa stundað landbúnaðarstörf, verið til sjós, smíðað og kennt, hef ég haldgóða stjórnunarreynslu úr atvinnulífinu, erlendis og hérlendis, sem ég tel skipta miklu máli við úrlausn þeirra verkefna sem liggja fyrir. Ég er landsbyggðarmaður og vil veg míns kjördæmis sem mestan og tel að nú séu ágæt tækifæri fyrir svæðið, verði vel haldið á spöðunum.
Frá 2002-2007 bjó ég erlendis og starfaði víða í Evrópu á vegum Creditinfo Group. Þar var ég hluthafi og stjórnandi. Creditinfo hefur flutt þekkingu til annarra landa og ýmist stofnað eða keypt félög í hlutaðeigandi löndum. Fyrir félagið starfaði ég sem markaðsstjóri og síðar framkvæmdastjóri (COO) erlendrar starfsemi. Ég er stoltur af mínum verkum fyrir Creditinfo, þeim árangri sem fyrirtækið hefur náð og þeim gildum sem það stendur fyrir.
Staða Íslands er erfið. Mikið verk verður að koma hlutunum í gott lag, en það er hægt, verði stefnu Sjálfstæðisflokksins fylgt. Þess vegna er mikilvægt að fólkið sem tekst á við þau störf þurfi ekki að verja gamlar ákvarðanir eða aðgerðaleysi. Við þurfum fólk með sjálfstæðar skoðanir, gagnrýna hugsun, haldgóða þekkingu, reynslu og menntun að ógleymdum eldmóði til að takast á við hið mikla verk að endurreisa íslenskt efnahagslíf.
Við verðum að horfast í augu við fortíðina til að geta tekist á við framtíðina og farið að huga að endurreisn Íslands.
Ég tel að ég geti unnið Íslandi, og þar með kjördæminu gagn og gef því kost á mér í 2.-4. sæti á lista Sjálfstæðisflokksins í Norðvesturkjördæmi. Ég er trúr stefnu Sjálfstæðisflokksins en tel að við í Sjálfstæðisflokknum höfum sofnað á verðinum.
Frelsi einstaklingsins á enn að vera eitt af grunngildum samfélagsin en því fylgja skyldur og ábyrgð sem hvorutveggja hefur verið vanrækt á síðustu árum. Því legg ég áherslu á frelsi með ábyrgð.
Ég hef bæði trú á sjálfum mér og að ég geti gert kjördæminu gagn. Ég kem hreint fram, segi það sem ég meina og meina það sem ég segi.
Hverjum og einum er svo frjálst að hafa við mig milliliðalaus samskipti í gegnum netfangið siggi@sigurdurorn.is og vefinn www.sigurdurorn.is og fræðast þar um hvað ég stend fyrir. Með von um góðan hljómgrunn.
Með kveðju,
Sigurður Örn Ágústsson
Fleiri fréttir
-
Íslensk kjötsúpa í boði
feykir.is Austur-Húnavatnssýsla, Lokað efni 26.04.2025 kl. 09.00Guðjón Þór Hjálmarsson býr á Blönduósi, nánar tiltekið á Hlíðarbrautinni, verður fermdur þann 26. apríl í Blönduóskirkju af sr. Eddu Hlíf Hlífarsdóttur. Foreldrar Guðjóns eru þau Hjálmar Björn Guðmundsson og Ingibjörg Signý Aadnegard.Meira -
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira -
Ertu búin/n að pússa golfkylfurnar?
feykir.is Skagafjörður, Íþróttir 25.04.2025 kl. 15.17Það voru gleðitíðindi tilkynnt á Facebook-síðu Golfklúbbs Skagafjarðar í hádeginu í dag þegar Hlynur Freyr Einarsson auglýsti að búið væri að setja upp flöggin góðu á fyrstu fimm flatir vallarins.Meira -
Fögnum vori, sumri og sól
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 15.14Kvennakórinn Sóldís í Skagafirði tekur á móti Freyjukórnum í Borgarfirði á morgun laugardag 26.apríl og saman ætla kórarnir að halda saman tónleika í Miðgarði, kl.16:00Meira -
Leikdagur í dag
feykir.is Skagafjörður, Íþróttir 25.04.2025 kl. 14.47Það er ekki seinna vænna en að óska öllum gleðilegs sumars í leiðinni og við tilkynnum ykkur að það er leikdagur í dag, svona ef þið vissuð það ekki. En Sigríður Inga Viggósdóttir er alltaf með puttann á púlsinum varðandi dagskrá á leikdegi og leyfum við henni að fljóta með þessari tilkynningu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.