Sjúklegur síðari hálfleikur skóp sigur í Síkinu
Snæfellingar sóttu Tindastólsmenn heim í kvöld í 8 liða úrslitum Lengjubikarsins. Leikurinn var með ólíkindum kaflaskiptur og varla hægt að ímynda sér að sömu lið hafi komið til leiks í síðari hálfleik og höfðu spilað þann fyrri. Eftir að hafa verið ellefu stigum undir í hálfleik áttu Stólarnir rosalegan þriðja leikhluta og rúlluðu leiknum upp. Lokatölur 94-67.
Stólarnir byrjuðu leikinn ekki vel og náðu aldrei takti í fyrri hálfleik. Skotin skoppuðu af hringnum og menn misstu boltann klaufalega hvað eftir annað. Í vörninni voru heimamenn skrefinu á eftir gestunum sem hittu líka nokkuð vel fyrir utan teig og hirtu of mikið af fráköstum. Staðan var 14-19 að loknum fyrsta leikhluta. Ingvi Ingvars minnkaði muninn í eitt stig, 24-25, um miðjan annan leikhluta en þá kom góður kafli hjá Snæfellingum sem komust í 26-39 eftir tvær 3ja stiga körfur frá Pálma Sigurgeirs. Ingvi kom Stólunum aftur á blað með 3ja stiga körfu en staðan í hálfleik 32-43.
Tindastólsmenn komu ákveðnir til leiks í síðari hálfleik og nú voru báðir Helgarnir komnir inn. Helgi Margeirs kom ekkert við sögu í fyrri hálfleik og nafni hans Viggósson var í tómu tjóni. En nú komu þeir Stólunum í gírinn ásamt Pétri Birgis sem átti frábæran leik í kvöld. Stólarnir gerðu fimm stig strax í byrjun en Snæfellingar svöruðu að bragði en síðan fór varnarleikur Tindastóls að setja þá algjörlega út af laginu. Með frábærri baráttu og geggjuðum varnarleik unnu heimamenn hvern boltann af öðrum og breyttu þeir stöðunni úr 41-50 í 58-50 – semsagt 17-0 kafli. Gestirnir vissu varla hvort þeir voru að koma eða fara, enda töpuðu þeir leikhlutanum 36-11!
Þeir reyndu að koma sér aftur inn í leikinn í fjórða leikhluta en það hvorki gekk né rak hjá þeim, Stólarnir áttu svör við öllu. Síðustu mínútur leiksins fengu síðan lítt reyndari spámenn að spreyta sig og endanum vann Tindastóll 27 stiga sigur og tryggðu sér sæti í undanúrslitum Lengjubikarsins.
Sem fyrr segir átti Pétur hörkuleik í kvöld, gerði 24 stig, átti 7 stoðsendingar og stal 6 boltum. Helgi Viggós var eins og tundurspillir í síðari hálfleiknum, skoraði grimmt og sló gestina út af laginu með truflaðri baráttu. Helgi Margeirs gerði ekkert stig, tók eitt frákast, vann einn bolta en var engu að síður ótrúlega mikilvægur. Lewis var seigur að vanda, stal fjórum boltum, átti 10 stoðsendingar og gerði 13 stig.
Stig Tindastóls: Pétur 24, Helgi Rafn 19, Dempsey 16, Lewis 13, Flake 6, Ingvi 5, Viðar 4, Sigurður 3, Finnbogi og Hannes 2 hvor.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
