Skagfirðingar keppa í Söngvakeppni Sjónvarpsins í kvöld
Hin árlega og geysivinsæla Söngvakeppni Sjónvarpsins verður haldin um helgina og sýnd í beinni útsendingu bæði í kvöld og annað kvöld. Sigurvegari keppninnar verður svo væntanlegur fulltrúi Íslands í Eurovision keppninni sem fram fer í Svíþjóð þann 16. maí. Meðal keppenda að þessu sinni eru Skagfirðingarnir Svavar Knútur og Hreindís Ylva og munu þau vera þriðju á svið í kvöldið er þau flytja lagið Lífið snýst eftir Hallgrím Óskarsson.
Þrjú lög frá hvoru undanúrslitakvöldi komast áfram í úrslit Söngvakeppninnar sem fer fram í Eldborg í Hörpu laugardagskvöldið 2. febrúar. Hverju lagi hefur verið úthlutað símanúmeri og gefst fólki kostur á að greiða þeim atkvæði í símakosningu sem að þessu sinni hefur jafnt vægi og mat dómnefndar, sem skipuð er sérstaklega fyrir Söngvakeppnina. Skipuleggjendur keppninnar hafa gefið það út að þeir áskilji sér rétt til að bæta sjöunda laginu við, ef ástæða þykir til.
Hreindís Ylfa á ættir að rekja til Sauðárkróks þar sem móðir hennar Hulda Jónasdóttir ólst upp en hún er dóttir þeirra Erlu Gígju og Ninna málara.
Í Feyki sem kom út í gær er viðtal við Hreindísi en þar segir hún meðal annars að henni lítist ljómandi vel á breytingar sem gerðar hafa verið á keppnisfyrirkomulaginu.
-Ekkert að því að breyta til annað slagið og prófa eitthvað nýtt. Þetta er mjög þétt og spennandi ferli núna, rétt rúmlega vika, á móti fimm til sex vikum sem ferlið tók frá fyrsta þætti þangað til framlagið var valið síðast þegar ég tók þátt, segir Hreindís.
Svavar Knútur Kristinsson.
Svavar Knútur er einnig Skagfirðingur en hann bjó á uppvaxtarárum sínum á Skálá í Slettuhlíð.
Feykir óskar þeim Hreindísi Ylfu og Svavari Knúti góðs gengis í keppninni og hvetur alla landsmenn til að vera þeim hliðholl í atkvæðagreiðslunni enda þeirra framlag vel til fallið að fara áfram í úrslitakeppnina.
HÉR má nálgast öll lögin í keppninni.
Fleiri fréttir
-
Vignir Vatnar varð Íslandsmeistari í skák
feykir.is Austur-Húnavatnssýsla, Íþróttir, Lokað efni 22.06.2025 kl. 17.10Æsispennandi Íslandsmóti í skák lauk í gær á Blönduósi með sigri Vignis Vatnars Stefánssonar, stórmeistara í skák, og hann stóð því uppi sem Íslandsmeistari í skák með sex og hálfan vinning að loknum átta umferðum. Fyrir lokaumferðina voru fjórir skákmenn efstir og jafnir með 5,5 vinning.Meira -
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira -
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira
