Skagfirskir hestamenn villtust af leið á Kili
Björgunarsveitir úr Skagafirði og Húnavatnssýslum leituðu í nótt fjögurra hestamanna sem skiluðu sér ekki á áfangastað í gærkvöldi. Þeir eru nú allir komnir í leitirnar, heilir á húfi.
„Þau voru fjögur ríðandi með 50 hesta stóð þegar það kom svarta þoka svo þau sáu ekki handa sinna skil,“ segir Rikke Busk í samtali við Feyki en eiginmaður hennar, Friðrik Smári Stefánsson, var með í ferðinni. Hestamennirnir villtust af leið er þeir lentu í þoku og slæmu skyggni. 20 manns leituðu hestamannanna í nótt en þokan gerði leitarmönnum erfitt fyrir.
Sem fyrr segir voru mennirnir þrír allir heilir á húfi og hið sama er að segja um hrossastóðið en að sögn Rikke voru þau heldur köld eftir nóttina undir berum himni.„Þetta var erfið nótt. Það var ekki hægt að vera í símasambandi við þau þar sem það þurfti að spara rafmagnið svo björgunarsveitarfólkið gæti fundið þau með þar til gerðum búnaði,“ sagði Rikke en þegar Feykir náði tali af henni er hún var á leið að fara hitta manninn sinn.
Á vef Landsbjargar segir að einn mannanna skilaði sér í skála við Áfanga í morgun en áfram var þriggja leitað. Þegar birti náðu mennirnir að hringja og láta vita af staðsetningu sinni. Voru þeir þá staddir vestan við vestara Friðmundarvatn, sem er töluvert úr leið sé miðað við áætlanir þeirra.
Fleiri fréttir
-
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira -
Haustið 1994 afar eftirminnilegt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.Meira -
Bóndabrie og þorskhnakkar | Matgæðingur Feykis
feykir.is Skagafjörður, Í matinn er þetta helst, Lokað efni 08.06.2025 kl. 11.20Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.Meira -
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira
