Skákin kynnt fyrir nemendum
Skáksamband Íslands, Skákakademían og Skákskóli Íslands standa fyrir skákheimsókn í Skagafjörð, Blönduós og Skagaströnd dagana 17.-19. apríl. Skólar eru heimsóttir og skákin kynnt nemendum. Um kynninguna sjá Stefán Bergsson, framkvæmdastjóri Skákakademíunnar og Gunnar Björnsson, forseti Skáksambands Íslands.
Í gær, miðvikudag, var farið í heimsókn í Skagaströnd. Þar var skáklistin kynnt fyrir öllum nemendum skólans en nemendum var skipt upp í fjóra mismunandi aldursflokka. Að því loknu var haldið í Kántrýbæ en þar var skáksett gefið og vígði Stefán og Magnús Sólberg, nemandi í Höfðaskóla taflsettið í skák sem endaði með jafntefli.
Í dag, fimmtudag, verður farið í heimsókn í Blönduskóla og skákin kynnt fyrir nemendum fram að hádegi. Eftir hádegi verður haldið í sundlaugina þar sem sundlaugarsett verður vígt og geta þá sundlaugargestir tekið skák í heita pottinum!
Á morgun, föstudag verður svo skákkennsla í Árskóla í Sauðárkróki. Þá verður Hannes Hlífar Stefánsson, stórmeistari í skák og kennari við Skákskóla Íslands, kominn í hópinn. Sundlaugarsett verður gefið í Sundlaug Sauðárkróks sem og sundlaugarnar í Varmahlíð og Hofsós.
Á föstudagskvöldið hefst Skákþing Norðlendinga sem fram fer í Safnahúsinu á Sauðárkróki. Meðal keppenda þar verður Hannes Hlífar.
Meðfylgjandi er myndir frá heimsókninni í Skagaströnd.
/Fréttatilkynning
Fleiri fréttir
-
Skáksambandið gaf Húnabyggð útitafl
feykir.is Austur-Húnavatnssýsla, Mannlíf, Lokað efni 20.06.2025 kl. 07.44Nú stendur yfir Íslandsmótið í skák í vöggu skákíþróttarinnar á Íslandi, Blönduósi. 100 ára afmælismót Skáksambands Íslands fer fram dagana 13.-22. júní. Nú á 17. júní þá afhenti sambandið Húnabyggð útitafl að gjöf í tilefni afmælisins og er það staðsett á lóð Húnaskóla.Meira -
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira
