Skemmtilegur 17. júní á Hvammstanga
Á Hvammstanga varð að flytja þjóðhátíðardagskrá 17. júní inn í Íþróttamiðstöðina vegna slæms veðurs en þó höfðu hestamenn fjölmennt í í þjóðbúninga- og hestamannamessu í Staðarbakkakirkju um morguninn.
Leó Örn Þorleifsson oddviti sveitarstjórnar flutti hátíðarræðu og fjallkonan sem að þessu sinni var túlkuð af Fanney Skúladóttur flutti ávarp og með henni voru þær Margrét Ylfa Þorbergsdóttir og Heiða Bára Pétursdóttir. Ýmislegt var til gamans gert m.a. keppti starfsfólk Grunnskóla Húnaþings vestra við nemendur í 10. bekk skólans í körfubolta í gríðarlega jöfnum og spennandi leik sem endaði þannig að grípa þurfti til vítakeppni til að fá fram úrslit. Þar höfðu nemendur 10. bekkjar betur. Utandyra léku krakkanir sér í froðurennibraut sem sett hafði verið upp hjá Íþróttamiðstöðinni og var mikið rennt sér í skemmtilegri froðunni.
Keppni í ökuleikni var svo háð á bílaplaninu hjá Íþróttamiðstöðinni. Keppnin fólst í því að aka á fjórhjóli milli keila og leysa ákveðin verkefni á leiðinni. Í karlaflokki bar Páll Sigurður Björnsson sigur úr býtum og Ragnheiður Sveinsdóttir í kvennaflokki.
Fleiri fréttir
-
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira -
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira
