Skíðasvæðið í Tindastól heitir nú AVIS skíðasvæðið
Í gær var undirritaður á skíðasvæði Tindastóls samstarfssamningur skíðadeildar Tindastóls og bílaleigunnar AVIS sem hefur það að markmiði að „gera gott fyrir báða aðila“, eins og Viggó Jónsson, framkvæmdastjóri skíðadeildarinnar og Axel Gómez, framkvæmdastjóri AVIS, orðuðu það.
Axel segir samninginn vera liður í því að efla tengsl fyrirtækisins við landsbyggðina og sérstaklega Norðurland. „Við höfum stutt íþróttafélög út um allt land en þetta er kannski það stærsta sem við höfum gert við einstaka íþróttatengt félag í landinu hingað til. Þannig að við erum mjög spennt fyrir þessu samstarfi,“ segir hann.
Um þriggja ára samning er að ræða þar sem skíðadeildin fær bíl til umráða frá AVIS, fjárhagslegan stuðning og jafnvel eitthvað fleira. „Við komum með peninga að þessu, bíl, merkingar, auglýsingar og fleira, svo skíðadeildin getur nýtt sér og gert það sem vilji stendur til fyrir krakkana og fólkið hérna í byggðalaginu og þá líka til hagsbóta fyrir okkur sem félag. Við erum mjög stolt og spennt fyrir þessu. Þetta er fyrsta svæðið þar sem AVIS kemur að og er ekki íþróttahöll eða fótboltaleikvangur,“ segir Axel en algengt er að slíkir íþróttaleikvangar séu nefndir eftir styrktaraðilum. Hann segir þetta verkefni vera í samræmi við stefnu AVIS á heimsvísu, yfir 200 lönd, að styðja við samfélag sitt með þessum hætti.
„Þetta er algerlega frábært fyrir skíðadeildina og kannski fyrst og síðast viðurkenning á því sem við höfum verið að gera í gegnum þessi 20 ár sem við erum búin að vera með þetta svæði hér,“ segir Viggó aðspurður um það hvernig samningurinn komi skíðadeildinni til góða. „Og þetta er kannski bara ein af þeim rósum í hnappagat okkar að fá AVIS til samstarfs við okkur og kannski líka það að finna þennan vilja og þennan hug til okkar í þessum bransa að AVIS skuli hafa trú á því að við séum að gera rétt,“ segir Viggó sem nú er staðarhaldari í AVIS skíðasvæðinu í Tindastól.
Fleiri fréttir
-
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.