Skýrsla SSNV um viðhorfskönnun á Hveravöllum 2009
Dæmigerður ferðalangur á Hveravöllum er Frakki eða Þjóðverji, 26-35 ára gamall, skipulagði ferðina sjálfur, ferðaðist um á bílaleigubíl með vinum eða fjölskyldu, var að koma til Hveravalla í fyrsta sinn og gisti eina nótt. Atvinnuþróun SSNV, í samstarfi við Vaxtarsamning Norðurlands vestra, ásamt starfsfólki Hveravallafélagsins, framkvæmdi sumarið 2009 spurningakönnun meðal ferðafólks á Hveravöllum um þjónustuna sem þar er veitt og viðhorf til þess hvaða þjónusta ætti að vera til staðar.
Tilgangurinn með gerð könnunarinnar var að undirbyggja gerð rekstrar- og framkvæmdaáætlana með hliðsjón af þörfum og óskum ferðamannanna sem staðinn sækja heim. Framlag SSNV við gerð könnunarinnar var hluti af styrkveitingu Vaxtarsamnings Norðurlands vestra til Hveravallafélagsins og samstarfsaðila þess árið 2009.
Rekstur ferðaþjónustunnar á Hveravöllum er í höndum Hveravallafélagsins ehf, sem er að stærstum hluta í eigu Húnavatnshrepps. Þar er rekin gisting í skálum, allt frá sérherbergjum með uppbúnum rúmum yfir í opin rými með kojum. Þar eru jafnfram örverslun með nauðsynjar, og einföld veitingasala með súpu og brauði ásamt kaffiveitingum og einfaldri barþjónustu. Þá er á staðnum nýtt salernishús (tekið í notkun 2009), og síðast en ekki síst gömul og þekkt heit laug.
/ssnv.is
Fleiri fréttir
-
Þriðja eins marks tap Stólastúlkna í röð
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.52Eftir sigur í fyrstu umferð Bestu deildar kvenna hefur lið Tindastóls nú tapað þremur leikjum í röð en allir hafa leikirnir tapast með eins marks mun og liðið verið vel inni í þeim öllum. Í gær heimsóttu Stólastúlkur gott lið Þróttar sem hafði lúskrað á okkar liði í Lengjubikarnum 9-0. Eftir hálfrar mínútu leik í gær var staðan orðin 1-0 og margir óttuðust skell. Fleiri urðu mörkin hins vegar ekki og 1-0 sigur Þróttar niðurstaðan.Meira -
Erfið byrjun Húnvetninga í 2. deildinni
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.34Við skulum vona að fall sé fararheill hjá knattspyrnuliði Húnvetninga því ekki sóttu þeir gull í greipar Austfirðinga í gær. Þá öttu þeir kappi við lið KFA í Fjarðabyggðahöllinni í fyrstu umferð 2. deildar karla í knattspyrnu. Þegar upp var staðið höfðu gestgjafarnir hreinlega alls ekkert verið gestrisnir, gerðu átta mörk á meðan gestirnir gerðu eitt.Meira -
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira -
Stefnir á matvælafræði í haust en Listaháskólinn heillar líka
feykir.is Skagafjörður, Lokað efni 03.05.2025 kl. 09.00Hákon Snorri Rúnarsson er fæddur á Sauðárkróki árið 2006, sonur hjónanna Sólveigar B. Fjólmundsdóttur og Rúnars S. Símonarsonar. Í vor útskrifast Hákon af Heilbrigðisfræðibraut Menntaskólans á Akureyri og hefur Hákon verið ansi virkur í félagslífinu með náminu og hefur hann látið til sín taka í stórum uppsetningum Leikfélagsins í skólanum. Feykir spjallaði við Hákon og forvitnaðist um hvað hann er búinn að vera að brasa og hvað sé framundan hjá þessum hæfileikaríka unga manni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.