Skýrsla um stöðu heilbrigðisþjónustu á Norðurlandi vestra
Samtök sveitarfélaga á Norðurlandi vestra hafa látið vinna skýrslu um stöðu heilbrigðisþjónustu á Norðurlandi vestra. Var hún unnin af Rannsóknarmiðstöð Háskólans á Akureyri en vinnsla hennar var áhersluverkefni sóknaráætlana landshluta árið 2017.
Í skýrslunni er dregin saman staða heilbrigðisþjónustu á Norðurlandi vestra og hún borin saman við samanburðasvæði sem er Vestfirðir. Gagna var aflað upp úr ársskýrslum heilbrigðisstofnana og öðrum fyrirliggjandi gögnum en að auki tóku stofnanirnar og sjúkrahúsin saman gögn sérstaklega fyrir þessa samantekt. Ennfremur voru tekin sérfræðingaviðtöl við átta aðila, fyrst og fremst til gagnaöflunar.
Á vef SSNV kemur fram að helsti munur á samanburðarsvæðinu og Norðurlandi vestra sé að á Vestfjörðum er skurðlæknir og fæðingarþjónusta sem ekki er til staðar á Norðurlandi vestra. Á Norðurlandi vestra búa nánast engir íbúanna í minna en klukkustundar fjarlægð frá sérhæfðu sjúkrahúsi með aðgang að skurðstofu en annars staðar á landinu er hlutfallið frá 50-100%. Þess ber að geta að skurðstofa er til staðar á Sauðárkróki en hún er nær eingöngu notuð í mjög einföld verkefni. Talið er brýnt að koma þeirri aðstöðu í betri not og auka þar með öryggi íbúa í landshlutanum.
Einnig kemur fram í skýrslunni að sjúkraflutningar hafa aukist á svæðinu öllu. Tveir sjúkrabílar eru til staðar á Sauðárkróki, Blönduósi og Hvammstanga. Oft þarf að keyra með sjúklinga langar leiðir og hætt er við að upp komi mönnunarvandi.
Ekki hefur tekist að fastráða heimilislækna á Blönduósi og líklega verður ekki auglýst eftir heimilislæknum á næstunni. Talið er að núverandi fyrirkomulag þar sem læknar í verktöku sinna svæðinu hafi gefist ágætlega en fastráðnir starfsmenn væri þó betri kostur þar sem það tryggir meiri samfellu í samskiptum læknis og sjúklings.
Á Sauðárkróki og á Hvammstanga eru dagvistunarúræði fyrir eldri borgara til staðar en kallað er eftir slíkum úrræðum á Blönduósi. Þá hefur sálfræðiþjónusta aukist á Sauðárkróki og Blönduósi en á Hvammstanga eru þau mál skemmra á veg komin en eru þó í góðu ferli. Kallað er eftir þjónustu geðlækna á svæðinu og það talið brýnasta verkefnið sem nú blasir við.
Skýrsluna má nálgast hér.
Fleiri fréttir
-
Fermist í upphlut
feykir.is Skagafjörður, Lokað efni 27.04.2025 kl. 10.00Bergrún Lauga Þórarinsdóttir fermist í Reykjakirkju þann 14. júní. Sr. Halla Rut Stefánsdóttir fermir stúlkuna en foreldrar hennar eru Sigrún Helga Indriðadóttir og Þórarinn Guðni Sverrisson á Stórhóli í Lýtingstaðahreppi.Meira -
Sæluvikan sett í Safnahúsi Skagfirðinga í dag
feykir.is Skagafjörður, Listir og menning, Mannlíf, Lokað efni 27.04.2025 kl. 02.21Sæluvika, lista- og menningarhátíð í Skagafirði, verður dagana 27. apríl - 3. maí. Setningin verður í Safnahúsinu í dag, sunnudaginn 27. apríl, og hefst kl. 13:00. Þar verða m.a. veitt Samfélagsverðlaun Skagafjarðar og úrslit í Vísnakeppninni verða kunngerð.Meira -
Tindastóll og Stjarnan mætast í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 00.37Besta deild kvenna er kominn á fullt og Stólastúlkur þegar búnar að leika tvo leiki; unnu þann fyrsta en voru síðan skrambi óheppanar að tapa fyrir sameinuðum Akureyringum í Þór/KA. Fjörið heldur áfram í dag en þá kemur lið Stjörnunnar í heimsókn á Krókinn og hefst leikurinn kl. 17:00.Meira -
Áltanes jafnaði metin
feykir.is Skagafjörður, Íþróttir, Lokað efni 26.04.2025 kl. 23.50Körfuboltinn á hug ansi margra þessa dagana og nú á föstudagskvöldið spiluðu lið Tindastóls og Álftaness annan leik sinn í undanúrslitaeinvígi Bónua deildar karla. Tindastóll vann fyrsta leikinn örugglega en það varð naglbítur þegar liðin mættust öðru sinni og þá í Kaldalónshöll þeirra Álftnesinga sem höfðu á endanum betur, 94-92, og jöfnuðu því einvígið.Meira -
Íslensk kjötsúpa í boði
feykir.is Austur-Húnavatnssýsla, Lokað efni 26.04.2025 kl. 09.00Guðjón Þór Hjálmarsson býr á Blönduósi, nánar tiltekið á Hlíðarbrautinni, verður fermdur þann 26. apríl í Blönduóskirkju af sr. Eddu Hlíf Hlífarsdóttur. Foreldrar Guðjóns eru þau Hjálmar Björn Guðmundsson og Ingibjörg Signý Aadnegard.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.