Slappaðu af á árshátíð eldri nemenda Varmahlíðarskóla
Árshátíð eldri nemenda Varmahlíðarskóla verður haldin í Miðgarði föstudaginn 13. janúar nk. kl. 20. Á árshátíðinni verður boðið upp á leiksýningu og svo verður dansleikur síðar um kvöldið.
Nemendur Varmahlíðarskóla ætla að flytja leikstykkið Slappaðu af eftir Felix Bergsson í útsetningu Jóns Ólafssonar. Leikstjóri er Helga Rós Sigfúsdóttir.
„Söngleikurinn gerist á sjöunda áratugnum og fjallar um baráttu tveggja unglingaklíka, vinstri og hægri, ástir og átök og sameiginlega kvenréttindabaráttu. Leikritið tekur á alvarlegum málefnum á gamansaman hátt. Tónlistin í leikritinu er valin með tilliti til tíðarandans og má þar finna þekkta slagara á borð við Signed, Sealed, Delivered, Stop! In the Name of Love, Rescue Me og vitanlega titillagið Slappaðu af!“ segir á heimasíðu Varmahlíðarskóla.
Að sýningu lokinni verður boðið upp á kaffiveitingar í Varmahlíðarskóla og eru þær innifaldar í miðaverði, sem eru 2500 kr. Vakin er athygli á því að ekki eru kortaposar á staðnum og frítt er fyrir börn á grunnskólaaldri.
Grunnskólaball 8.-10. bekkinga hefst kl. 22:30 til 1:00. Sigvaldi og félagar munu leika fyrir dansi. Aðgangseyrir á ballið er 1000 kr.
Frístundastrætó ekur frá Sauðárkróki og Grunnskólanum austan vatna, fyrir þá sem vilja nýta sér þann kost.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
