Snjóþekja og hálka á vegum í austanverðum Skagafirði
Það er komin vetrartíð. Það reyndar er yfir litlu að kvarta hvað varðar færðin hér á Norðurlandi vestra nema þá helst austan megin í Skagafirði. Við Tröllaskagann hefur verið nokkur úrkoma og éljagangur. Samkvæmt umferðarsíðu Vegagerðarinnar er verið að skafa vegi allt frá Hegranesi og norður í Fljót. Á öðrum vegum austan Hegraness eru ýmist hálkublettir eða hálka og því vissara að fara að öllu með gát.
Kuldi og úrkoma hefur helst látið á sér kræla á norðausturhorni landsins og er vetrarfærð frá Tröllaskaga og austur að Djúpavogi. Allir. vegir í Húnavatnssýslu voru greiðfærir í morgun nema hvað hálkublettir voru á veginum yfir Þverárfjall.
Það var því hughreystandi nú í morgunsárið að hlýða á starfsmenn Ríkisútvarpsins renna yfir helstu þumalputtareglur varðandi hvernig á að keyra í hálku.
Reikna má með nokkuð stífri norðanátt í dag og á morgun og af og til gæti éljað eða slyllað. Það er svo spáð hægum vindi fram yfir helgi og lítils háttar snjókoma gerir væntanlega vart við sig.
MYND: Hér að neðan má sjá mynd af Bakkaselsbrekkunni nú um níuleytið.
Fleiri fréttir
-
Auglýst eftir nýjum rekstararaðilum fyrir Bifröst
feykir.is Skagafjörður, Listir og menning, Lokað efni 21.10.2025 kl. 13.35Á fundi sveitarstjórnar Skagafjarðar í síðustu viku kom fram að núverandi rekstraraðilar félagsheimilisins Bifrastar á Sauðárkróki muni ekki endurnýja samning um reksturinn en samningurinn rennur út nú í lok árs. Á fundinum fóru fram umræður varðandi félagsheimilið gamla sem byggt var árið 1925, og er því 100 ára í ár, en hefur að sjálfsögðu gengið í gegnum stækkanir og breytingar í gegnum árin. Má reikna með breytingum framundan með tilkomu nýs menningarhúss.Meira -
Tindastólsmönnum kippt niður á jörðina í Tékklandi
feykir.is Skagafjörður, Íþróttir, Lokað efni 21.10.2025 kl. 10.20Tindastólsmenn voru keyrðir niður í jörðina í gær þegar þeir heimsóttu Opava í Tékklandi en í bænum búa um 55 þúsund manns. Leikið var í Opava-höllinni og voru heimamenn yfir frá fyrstu körfu til hinnar síðustu og unnu sterkan sigur, 95-68.Meira -
Er allt að sjóða upp úr? | Leiðari 39. tölublaðs Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 21.10.2025 kl. 08.42Sumarið hefur verið óvanalega langt í ár. Það byrjaði með einstakri hitabylgju í maí og enn höfum við ekki fengið alvöru hausthret. Sennilega eru flestir ánægðir með þetta nema mögulega þeir sem vinna við dekkjaskipti – ekki mikið að gera þar væntanlega. En það styttist í veturinn og þá fer allt á suðupunkt í dekkjabransanum.Meira -
Hyggjast bjóða upp á notalega og einstaka upplifun
feykir.is Vestur-Húnavatnssýsla, Lokað efni 20.10.2025 kl. 15.43Í síðustu viku sagði Feykir frá því að fyrirtækið Aurora Igloo stæði í stórræðum í Húnaþingi vestra. „Við höfum hug á að reisa 15 kúluhús í brekkunni fyrir neðan félagsheimilið með glæsilegu útsýni yfir Víðidalinn. Húsin eru gegnsæ til að hámarka upplifun gesta,“ segja þeir félagar Andri Steinn Guðmundsson og Árni Freyr Magnússon hjá Aurora Igloo þegar Feykir spurði út í framkvæmdina og þjónustuna. Þeir taka þó fram að gestir geta dregið fyrir allan hringinn með gluggatjöldum þegar óskað er eftir næði.Meira
