Spes opnar á sunnudaginn
Spes sveitamarkaður með sögualdarívafi opnar þann 17. júní nk. í Grettisbóli á Laugarbakka. Opnað verður kl. 13:00 og verður opið í sumar mánudaga til laugardaga milli kl. 13:00 og 18:00. Eins og verið hefur verður selt á markaðinum „þjóðlegt“ handverk og matvæli unnin í héraðinu.
Spes sveitamarkaður er samstarfsverkefni Grettistaks ses. sem á húsnæðið og aðstöðu til útivistar í Grettisgarði, Verslunarminjasafns Bardúsa sem velur handverkið, og Spes félags um sveitamarkað. Bardúsa og Farskóli Norðurlands vestra hafa í vetur staðið fyrir margvíslegum handverksnámskeiðum og því verður spennandi að sjá hvort nýir vöruflokkar munu bætast við á markaðnum. Lítill pallur er í smiði í Grettisbóli þar sem handverkfólk mun sýna list sína á lífandi hátt í sumar.
Innanhúss-leiksvæði fyrir börn býður upp á búninga í víkingastíl og „gamaldags“ leikföng, en utanhús er m.a. stór steinhringur með eldstæði sem er tilvalinn til samkomu eða til að snæða nestið sitt.
Þá er að því stefnt síðar í mánuðinum að setja upp sýninguna Ár og kýr (365 kúamyndir eftir Jón Eiríksson á Búrfelli) í Grettisbóli. Landsvirkjun á verkið en mun lána það í sumar til Laugarbakka. Gestir Spes sveitamarkaðar og allir áhugasamir munu þannig fá að njóta myndlistar í bland við aðra menningu. Það verður nóg að gera í Grettisbóli í sumar.
Fleiri fréttir
-
Það verður góð stund á Ábæ
feykir.is Skagafjörður, Mannlíf 01.08.2025 kl. 09.24Hin árlega Ábæjarmessa verður á Ábæ í Austurdal sunnudaginn 3. ágúst kl. 14:00. Sr. Karl V. Matthíasson þjónar fyrir altari. Sönghópurinn Vorvindar glaðir leiða söng við undirleik Friðriks Þórs Jónssonar. Fólk er hvatt til að taka með sér nesti og eiga saman góða stund eftir messu í einstöku umhverfi. Veðurspáin fyrir sunnudaginn er ágæt, hlýtt og þurrt, svo fegurð Austurdals ætti að njóta sín.Meira -
Eldur í Hún tókst vel og allir sáttir
feykir.is Vestur-Húnavatnssýsla, Mannlíf, Lokað efni 31.07.2025 kl. 13.50Hátíðin góða Eldur í Húnaþingi fór fram í síðustu viku og lauk á sunnudaginn. Framkvæmdanefndin hefur sent frá sér eftirfarandi yfirlýsingu:Meira -
Sögur af hestum og mönnum
feykir.is Skagafjörður, Hestar, Lokað efni 31.07.2025 kl. 11.22Stefán Hrólfsson á Keldulandi á Kjálka var þjóðsagna persóna í lifandi lífi. Af honum gengu sögur, sannar og lognar. Þær gátu verið af snjöllum tilsvörum eða sérstökum athöfnum. Hér segir Ingimar Ingimarsson á Ytra-Skörðugili frá grenjaleit sem Stefán og Sigurður Ingimarson á Flugumýri fóru í.Meira -
Norð-vestlensku liðin áttu góðan dag í gær
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 31.07.2025 kl. 09.12Kormákur/Hvöt skruppu á Akranes og spiluðu við Kára í 2. deildinni og gerðu sér lítið fyrir og unnu 2 – 3. K/H komst í 2-0 með mörkum frá Abdelhadi Khalok El Bouzarrari og Goran Potkozarac. Börkur Bernharð Sigmundsson minkaði muninn fyrir Kára en Abdelhadi Khalok El Bouzarrari kom K/H í 3-1. Sigurjón Logi Bergþórsson klóraði aðeins í bakkann í restina en leikurinn endaði því 2-3 fyrir Kormák/Hvöt og sitja þeir núna í 6. sæti í deildinni.Meira -
Knattspyrnudeild Tindastóls styrkir meistaraflokks hópinn
feykir.is Skagafjörður, Íþróttir, Lokað efni 30.07.2025 kl. 18.10Davíð Leó Lund, 18 ára bakvörður hefur skrifað undir lánssamning út komandi tímabil. Hann kemur á láni frá Völsungi þar sem hann hefur spilað upp alla yngri flokka.Meira
