Starfsemin hjá Afli – sparisjóði óbreytt næstu mánuði
Arion banki bauð fyrir nokkru til sölu stofnbréf sín í sparisjóðinum Afli. Eitt kauptilboð barst en eftir nokkurn tíma var viðræðum slitið og Arion banki sendi öðrum stofnfjáreigendum Afls bréf þar sem bankinn óskaði eftir að fá að kaupa bréfin af stofnfjárhöfum á genginu einum.
Í greinagerð með kaupbeiðninni undirritaðri af Höskuldi Ólafssyni bankastjóra voru stofnfjáreigendur varaðir við að selja ekki því þeir gætu tapað sínu stofnfé ef ekki yrði að þessu gengið. Gefin var einungis sjö daga frestur til að ákveða sig og Arion banki setti þá skilmála að vera ekki að neinu bundinn að tilboði sínu ef ekki rituðu allir undir þetta tilboð.
Stofnfjáreigendur héldu fund á Kaffi Krók á Sauðárkróki að frumkvæði Gísla Árnasonar þar sem farið var ítarlega yfir stöðu Sparisjóðsins og voru umræðu mjög góðar og hreinskiptar. Ákveðið var að biðja um frest til að kynna málið betur. Frestur var veittur af Arion banka í tvo daga.
Arion banki þurfti á fá 99,45% af öllu stofnfé til að innlima Sparisjóðinn án fundar stofnfjáreigenda. Sú upphæð mun ekki hafa náðst en samkvæmt ítrekuðum fyrirspurnum hefur bankinn ekki svarað því hversu mikil hluti stofnfjáreigenda vildi selja. Starfsemi sparisjóðsins mun því verða óbreytt næstu mánuði en líklegt er að á vori komanda verði ljóst í hvaða farvegi stafsemi sparisjóðsins verður.
Fleiri fréttir
-
Það er alltaf nóg að gera hjá Löggunni á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 11.07.2025 kl. 14.50Í síðasta mánuði kærði lögreglan á Norðurlandi vestra 178 ökumenn fyrir of hraðan akstur og er það tæplega 19% aukning frá því í maí þegar 150 ökumenn fengu kæru fyrir að aka of hratt í umdæminu. Sem fyrr aka flestir sem kærðir eru á 110-120 kílómetra hraða en sumri óku þó hraðar og fóru jafnvel yfir 150 kílómetra á klukkustund.Meira -
Kjarnorkuákvæðið virkjað
feykir.is Stjórnmál, Fréttir 11.07.2025 kl. 13.15Þórunn Sveinbjarnardóttir þingforseti beitti, í upphafi þingfundar í dag, 71. grein þingskaparlaga og lagði þar með til atkvæðagreiðslu tillögu um að stöðva um frumvarpið en kjarnorkuákvæðinu, eins og það er oft kallað, hefur ekki verið beitt síðan 1959. Tillagan var samþykkt með 34 atkvæðum gegn 20 atkvæðum.Meira -
Burðarþol íslenska hestsins rannsakað
feykir.is Skagafjörður, Hestar, Lokað efni 11.07.2025 kl. 11.08Burðargeta hesta er málefni sem er mikið rætt í hestaheiminum. Mjög margir hafa sínar skoðanir, en rannsóknir sem undirbyggja þekkingu á burðargetu hesta eru takmakaðar og nauðsyn að afla hennar á markvissan hátt. Íslenski hesturinn er vinsælt hestakyn um allan heim, hann er eftirsóttur sem reiðhestur og keppnishestur og er mikið notaður af hestaferðaþjónustu-fyrirtækjum og í reiðskólum. Þekking á því hvernig líkamsbygging hans tengist burðargetu er afar mikilvæg, bæði hvað varðar afkastagetu á gangtegundum og velferð hesta.Meira -
Höfðingi heimsóttur á Löngumýri
feykir.is Skagafjörður, Mannlíf, Lokað efni 10.07.2025 kl. 15.39Blaðamaður Feykis kom á Löngumýri á dögunum í fréttaleit. Þar rakst hann á bráðmyndarlegan mann og tók hann tali. Það kemur í ljós að maðurinn heitir Harladur Jójannsson, 96 ára Grímseynngur og sex mánuðum betur.Meira -
Jöfnuður er lykilorðið | Svar framkvæmdastjóra sveitarfélaga á landsbyggðinni
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 10.07.2025 kl. 14.13Grein fjögurra bæjarstjóra á höfuðborgarsvæðinu gagnrýnir nýtt frumvarp um Jöfnunarsjóð sveitarfélaga og talar um „kaldar kveðjur“ til íbúa suðvesturhornsins. Við, bæjar- og sveitastjórar á landsbyggðinni, teljum mikilvægt að minna á að tilgangur Jöfnunarsjóðs er einmitt sá að jafna aðstæður milli ólíkra sveitarfélaga – og þar stendur landsbyggðin frammi fyrir margvíslegum og flóknum áskorunum.Meira
