Stefnir í verulega skrautlega lokaumferð í 2. deildinni
Í gær sagði Feykir frá sigri Tindastóls á liði Hugins Seyðisfirði og útskýrði fyrir lesendum hver staða liðsins væri fyrir lokaumferðina sem fram á að fara næstkomandi laugardag. Andstæðingar Tindastóls í síðustu umferðinni er lið Völsungs frá Húsavík sem átti ekki lengur séns á sæti í Inkasso-deildinni að ári eftir úrslit leikja nú um helgina. Það hefur hins vegar breyst eftir úrskurð áfrýjunardómstóls KSÍ í gær sem úrskurðaði að spila skildi leik Hugins og Völsungs aftur.
Þannig var mál með vexti að Huginn fékk Völsung í heimsókn þann 17. ágúst. Dómari gerði mistök í leiknum þegar hann taldi sig vera að sýna leikmanni Völsungs sitt annað gula spjald á 91. mínútu í stöðunni 1-1. Sýndi hann því leikmanninum, sem hafði í raun ekki fengið annað spjald fyrr í leiknum, rauða spjaldið og þrátt fyrir mótmæli og ábendingar leikmanna og starfsmanna leiksins var dómarinn harður á sínu. Í uppbótartíma gerði lið Hugins síðan sigurmarkið í leiknum. Í framhaldinu kærði Völsungur framkvæmd leiksins.
Aga- og úrskurðarnefnd KSÍ kvað upp úrskurð í málinu 4. september og vísaði kröfu Völsungs frá. Húsvíkingar gáfust þó ekki upp og áfrýjuðu úrskurðinum og komst áfrjýjunardómstóll KSÍ að þeirri niðurstöðu í gær að leikurinn skuli endurtekinn og skuli fara fram að nýju á Seyðisfjarðarvelli.
Leikurinn verður spilaður á ný nú á miðvikudaginn á Seyðisfjarðarvelli. Þegar leikurinn fór fram í ágúst var lið Seyðisfjarðar enn að berjast fyrir sæti sínu í deildinni en nú er liðið fallið og ekkert undir hjá leikmönnum liðsins annað en heiðurinn.
Ef lið Völsungs vinnur leikinn verða þeir komnir með 40 stig og eiga þá möguleika á að enda í einu af tveimur efstu sætunum og kæmust þá upp um deild. Afturelding og Grótta eru bæði með 42 stig fyrir lokaumferðina og Vestri frá Ísafirði er með 41 stig. Leikurinn gegn Tindastóli, sem berst fyrir sæti sínu í 2. deild, gæti því orðið risastór fyrir Húsvíkinga líka.
Eftir þessa niðurstöðu áfrýjunarnefndar KSÍ birtist síðan yfirlýsing frá Seyðfirðingum sem hafna niðurstöðunni og líkt og Völsungur hafa þeir einnig ýmislegt til síns máls. Sjá tilkynningu frá Huginn hér >
Og til að auka enn á dramatíkina í kringum síðustu umferðina þá stefnir í vonskuveður í vikunni – í raun hið leiðinlegasta vetrarveður – með tilheyrandi éljagangi og ófærð og veðurspár fyrir helgina lítt spennandi. Eða eins og snillingarnir segja: Þetta verður eitthvað!
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.