Stefnt á að byggja um 50 nýjar íbúðir
Mikil uppbygging íbúðarhúsnæðis er nú á Blönduósi og helst það í hendur við hraða íbúafjölgun síðustu mánuðina. Rætt var við Valdimar O. Hermannsson, sveitarstjóra á Blönduósi, i kvöldfréttum RÚV í gær um þann viðsnúning sem átt hefur sér stað í sveitarfélaginu.
Það sem af er þessu ári hefur íbúafjöldi á Blönduósi aukist um 44 eða 5%. Undanfarin ár hefur lítið sem ekkert verið byggt á staðnum en nú er stefnt á byggja þar um 50 nýjar íbúðir. „Í þessum tveimur götum hérna í kringum okkur er búið að úthluta lóðum fyrir um 28 íbúðir. Það er verið að skoða og það er mjög líklegt að það verði byggt annars staðar fjölbýlishús með 20 íbúðum,“ sagði Valdimar O. Hermannsson, sveitarstjóri Blönduósbæjar í samtali við Ríkissjónvarpið í gær.
Valdimar segir að uppbygging gagnavers á Blönduósi hafi einna mest áhrif á þessa þróun en annars konar atvinnulíf sé einnig í sókn, t.d. ferðaþjónusta, og hefur 17 lóðum verið úthlutað undir atvinnuhúsnæði á þessu ári. Valdimar tók við starfi sveitarstjóra á Blönduósi sl. vor og horfir bjartsýnn fram á veginn. . „Það er ekki hægt annað, bara ánægjulegt og gaman að koma inn á þetta svæði í þessum fasa, taka þátt í þessu og fylgja þessu áfram,“ sagði Valdimar í fréttum RÚV.
Fleiri fréttir
-
Skemmtileg stund og sérlega þjóðleg
feykir.is Austur-Húnavatnssýsla, Ljósmyndavefur, Listir og menning, Mannlíf 20.04.2024 kl. 13.10Laugardaginn 6. apríl sl. var boðað til mikillar og þjóðlegrar menningarveislu í gamla fjósinu í Bólstaðarhlíð í Húnavatnssýslu þar sem fram fór viðburðurinn Hrossakjöt og kvæðaraus. Undirritaður var gestur þeirra hjóna, og ferðaþjónustubænda, Freyju Ólafsdóttur og Einars Kolbeinssonar og í stuttu máli sagt var þetta einstaklega skemmtileg stund og sérlega þjóðleg.Meira -
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.